rKTs

e-texts navigator

Volume

Page

14b₁ la/ yon tan rnams ni mi gda'o/ /mthong ba don yod bdag ni gnod pa'i sbags pas sbags pa'o/ /mthong ba don yod bdag ni gzu lums kyi las la lhag par zhen pa'i shas che ba dang / nor yongs su tshol ba dang / 'khor yongs su bsdu bas
14b₂ kun nas mnar sems kyis sems skyes pa bsal bar rngo mi thogs so/ /gzhan yang bdag ni gzhan dag la dbyug pas bsnun pa dang / mtshon gyis bsnun pas bsnun par bgyid de/ mthong ba don yod des na bdag gis byang chub tu sems ma bskyed do/ /
14b₃ bdag ni tha na rmi lam du yang gzhan dag la kun nas mnar sems kyis sems skyed par bgyid do/ /mthong ba don yod da ni bdag gis lhag pa'i bsam pas bla na med pa yang dag par rdzogs pa'i byang chub tu sems bskyed par bgyi'o/ /mthong ba don yod bdag gis ji
14b₄ ltar bcas pa'i byang chub sems dpa'i bslab pa dag la ma bslabs na bdag gis phyogs bcu'i 'jig rten gyi khams dag na bzhugs pa'i sangs rgyas bcom ldan 'das rnams bslus par gyur cig / bdag bla na med pa yang dag par rdzogs pa'i byang chub yongs su
14b₅ bsgrubs pa'i slad du/ ji skad smras pa de bzhin du bgyid par 'gyur bar bgyi'o/ /de nas rgyal po tshangs pas byin gyis rjes su bslabs pa'i srog chags brgyad khris sngon ma bskyed pa bla na med pa yang dag par rdzogs pa'i byang chub tu sems bskyed de/ de dag
14b₆ gis kyang ji skad bstan pa'i byang chub sems dpa'i spyod pa dag la smon lam btab bo/ /srog chags nyi khri ni chos rnams la chos kyi mig rdul med cing dri ma dang bral ba rnam par dag go/ /de nas rgyal po tshangs pas byin gyis byang chub sems dpa' sems dpa' chen po
14b₇ mthong ba don yod la 'di skad ces smras so/ /mthong ba don yod bdag la thugs brtse ba dang / skye bo phal po che 'di dag la phan gdags pa'i slad du bdag gis 'di nyid du dbyar gnas par gnang bar mdzod cig /mthong ba don yod 'di ltar smod kyi rkyen du mi 'bab

_{iiif viewer powered by OpenSeadragon}

14a - 15a

Texts on this page