rKTs

e-texts navigator

Volume

Page

143a₁ dang / sangs rgyas dang / chos dang / dge 'dun gyi gdung mi 'chad par nges par byed pa'i phyir sdig pa mi dge ba kun tu spyod pa rnams yongs su 'grib par 'gyur ba dang / chung bar 'gyur ba nas srab pa'i bar du 'gyur ro/ /legs pa dge ba kun tu spyod pa rnams
143a₂ ni 'phel bar 'gyur ba nas dpag tu med pa'i bar du 'gyur ro/ /de nas byang chub sems dpa'i bsam pa sogs shing sgom pa yang yongs su rdzogs pa dang / sra ba dang / brtan pa dang / rdo rje lta bur 'gyur ro/ /tshong dpon gyi bu de lta na las dang po pa'i byang chub sems dpa' de
143a₃ 'di lta bus mthar gyis srid pa 'di dang / srid pa phyi ma dang / srid pa lan grangs gzhan dag la sdig pa mi dge ba kun tu spyod pa 'grib par byed pa dang / chung ngur byed pa nas gsog tu byed pa'i bar dang / legs pa dge ba kun tu spyod pa 'phel bar 'gyur ba nas dpag tu med pa'i bar du
143a₄ 'gyur ba dang / byang chub sems dpa'i bsam pa yang sogs shing sgom par byed de/ legs pa dge ba kun tu spyad pa rnams yongs su smin pas myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /de nas de'i tshe yul da ra da
143a₅ nas da ra da'i rgyal po sin du gi ri zhes bya ba'i bu bcom ldan 'das la blta ba dang / phyag bya ba dang / bsnyen bkur bya ba'i phyir bA rA Na sIr song nas de bcom ldan 'das dang thag mi ring ba zhig na 'dug par gyur to/ /de nas da ra da'i rgyal po sin du gi ri'i bu stan las langs te/
143a₆ bla gos phrag pa gcig tu gzar nas/ pus mo g.yas pa'i lha nga sa la btsugs te bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das khyod kyis legs par bka' stsal to/ /bde bar gshegs
143a₇ pa khyod kyis legs par bka' stsal to/ /bcom ldan 'das byang chub kyi sems kyi gsol ba 'debs shing snying thag pa rus pa'i khong nas yid la bgyis te/ sems can thams cad kyis bsams nas dus gsum du gsol ba 'debs shing brjod pa gang lags pa de tsam yang

_{iiif viewer powered by OpenSeadragon}

142b - 143b

Texts on this page