| e-texts navigator |
| བོད་ཡིག |
142b1 dam/ lam du 'gro ba'am/ 'du byed dam/ bya ba thams cad byed pa na yang bla na med pa yang dag par rdzogs pa'i byang chub tu 'dun pa dang / dad pa dang / don du gnyer ba dang / smon pa de 'ba' zhig rtag tu rgyun mi 'chad par rjes su dran par bya'o/ /yid la bya'o/ /
142b2 bsgom par bya'o/ /lan mang du bya'o/ /de ltar byas na de sdig pa mi dge ba kun tu spyod pa rnams la sems lhod par 'gyur/ yang bar 'gyur/ chung bar 'gyur/ srab par 'gyur/ gsog tu 'gyur ro/ /legs par dge ba'i las kun tu spyod pa rnams la ni sems
142b3 zhen par 'gyur/ drag par 'gyur/ mi lhod par 'gyur/ mi yang bar 'gyur/ mi chung bar 'gyur ro/ /de sdig pa mi dge ba kun tu spyod pa rnams la lhod par 'gyur/ yang bar 'gyur/ chung bar 'gyur/ srab par 'gyur/ gsog tu 'gyur/ med par 'gyur ba
142b4 dang / legs pa dge ba'i rtsa ba kun tu spyod pa rnams la sems zhen par gyur pas srid pa'i 'gro ba gang dang phrad pa dag tu chung bar mi 'gyur ro/ /'khu ba dang / gsod pa dang / 'ching ba dang / rnam par 'tshe ba gang yin pa rnams legs par spang ba dang / 'jig rten gyi
142b5 khams mtha' yas mu med pa'i khongs su gtogs pa'i sems can mtha' yas mu med pa rnams kyis thog ma med pa'i dus nas bsags pa dus mtha' yas par nyams su myong bar 'gyur ba'i skye ba dang / rga ba dang / na ba dang / 'chi ba'i sdug bsngal dang / mi sdug pa
142b6 dang phrad pa dang / sdug pa dang bral ba'i sdug bsngal ba dang / 'dod pas phongs pa'i sdug bsngal dang / lha dang / mi dang / lha ma yin dang / dud 'gro dang / dang / sems can dmyal ba'i sdug bsngal dang / 'dod chags dang / zhe sdang dang / gti mug gi sdug bsngal
142b7 gcad par bya ba dang / dgag par bya ba dang / rnam par zhi bar bya ba'i phyir zhugs pa dang / byams pa'i sems su gyur pa dang / snying rje chen po'i sems su gyur pa dang / go cha chen po bgos pa dang / theg pa chen po la zhugs pa dang / sangs rgyas kyi chos rgya chen po la mos pa
iiif viewer powered by OpenSeadragon
Texts on this page
D162 - 'phags pa dpal dbyig gis zhus pa zhes bya ba theg pa chen po'i mdo