rKTs

e-texts navigator

Volume

Page

141b₁ ba gdab pa dang / chos kyi 'khor lo bskor bar gsol ba gdab pa dang / bskal pa du mar chos bstan par gsol ba gdab pa mi gtang bar bya'o/ /tshong dpon gyi bu gzhan yang las dang po pa'i byang chub sems dpas ni pha ma la gnod pa med pa dang / bu dang / chung
141b₂ ma dang / bran pho dang / bran mo dang / las byed pa dang / zho shas 'tsho ba dang / mdza' bo dang / blon po dang / nye du dang / rgan rabs la gnod pa med par ji ltar mos pa dang / ci nus par dus dus su sbyin pa sbyin par bya'o/ /tshong dpon gyi bu gzhan yang las dang po pa'i
141b₃ byang chub sems dpas ni bslab pa'i gzhi lnga la gnas zhing 'dug pa dang / brtan por 'dug pa dang / mi lhod par 'dug par bslab par bya'o/ /gal te bslab pa'i gzhi lnga la slob mi nus na yang / des bzhi'am/ gsum mam/ gnyis sam/ de'i nang nas bslab
141b₄ pa'i gzhi gcig tsam la yang bslab par bya'o/ /gal te bslab pa'i gzhi gcig tsam la slob kyang mi nus na de sdig pa'i las mi dge ba gang dang gang kun tu spyod pa de la zhen pa ma yin pa dang / drag po ma yin pa'i sems dang / mi dga' ba zhen pa dang / lhod pa dang / yang
141b₅ ba'i sems dang / don gyi dbang dang / dgos pa'i dbang gis spyad par bya ste/ des mi dge ba bcu'i las khro ba'i dbang du gyur pa dang / 'khon du 'dzin pa'i dbang du gyur pa dang / dga' ba dang mchog tu dga' ba'i dbang du gyur pas kun tu spyad par mi bya'o/ /kun tu spyad par
141b₆ 'dod pa na yang rnam par smad par bya/ rnam par bshung bar bya'o/ /spyod cing 'dug pa na yang rnam par smad par bya/ rnam par bshung bar bya'o/ /spyad zin pa na yang rnam par smad par bya/ rnam par bshung bar bya/ so sor bshags par bya/ nges par 'byung bar bya'o/ /
141b₇ legs pa dge ba ci yang rung ba zhig /kun tu spyod pa na yang des ni de la sems zhen pa dang / drag po'i sems dang / tshim pa dang / mgu ba dang / lhod pa ma yin pa dang / yang ba ma yin pa dang / bar chad med pa dang / dad pa dang / dga' ba dang / dang ba dang / mchog

_{iiif viewer powered by OpenSeadragon}

141a - 142a

Texts on this page