rKTs

e-texts navigator

Volume

Page

140a₁ mo sbyar ba btud de bcom ldan 'das la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ji snyed cig 'das shing gshegs lags/ bcom ldan 'das kyis bka' stsal pa/ tshong dpon gyi bu
140a₂ de bzhin gshegs pa dgra bcom pa yang dag par rdzogs pa'i sangs rgyas dpag tu med grangs med pa 'das shing gshegs te/ dper na gang gA'i klung gi bye ma snyed do/ /gsol pa/ bcom ldan 'das de bzhin gshegs pa dgra bcom pa yang dag par rdzogs pa'i sangs
140a₃ rgyas ji snyed cig skye zhing 'byung bar 'gyur lags/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ji snyed cig da ltar bzhugs te 'tsho zhing gzhes lags/ bcom ldan 'das kyis bka' stsal pa/ tshong dpon gyi bu de bzhin
140a₄ gshegs pa dgra bcom pa yang dag par rdzogs pa'i sangs rgyas dpag tu med grangs med pa skye zhing 'byung bar 'gyur te/ dper na gang gA'i klung gi bye ma snyed do/ /tshong dpon gyi bu de bzhin gshegs pa dgra bcom pa yang dag par rdzogs pa'i sangs rgyas dpag tu med/ grangs
140a₅ med pa da ltar bzhugs la 'tsho zhing gzhes te/ dper na gang gA'i klung gi bye ma snyed do/ /de skad ces bka' stsal pa dang / bcom ldan 'das la tshong dpon gyi bu dpal dbyig gis 'di skad ces gsol to/ /bcom ldan 'das de ltar mi brgya'am/ mi stong ngam/ mi 'bum
140a₆ gyis sngon 'bad de btsal bas yang dag par rdzogs pa'i byang chub thob par gyur na/ bcom ldan 'das bdag gis kyang 'bad de btsal na ci'i slad du/ de mi thob/ mi rtogs kyis de'i slad du thugs brtse bar dgongs te las dang po pa'i byang chub sems dpas ji ltar bgyi ba dang /
140a₇ ji ltar gnas par bgyi ba dang / ji ltar bsgrub par bgyi ba bcom ldan 'das kyis bdag la de ltar legs par bstan du gsol/ de skad ces gsol pa dang / bcom ldan 'das kyis tshong dpon gyi bu dpal dbyig la 'di skad ces bka' stsal to/ /tshong dpon gyi bu legs so

_{iiif viewer powered by OpenSeadragon}

139b - 140b

Texts on this page