rKTs

e-texts navigator

Volume

Page

139b₁ phab/ lha'i sil snyan dang / glu dbyangs dag kyang rab tu gsil cing blangs so/ /de nas de bzhin gshegs pas thams cad dang ldan pa'i 'khor de la 'di skad ces nga dang 'jam dpal gzhon nur gyur pas chos kyi rnam grangs 'di byin gyis brlabs so zhes go bar mdzad do/ /
139b₂ de nas thams cad dang ldan pa'i 'khor de dang / byang chub sems dpa' de dag dga' ba dang / mgu ba dang / yi rangs pa dang / rab tu dga' ba dang / dga' ba dang / yid bde ba skyes nas bcom ldan 'das dang 'jam dpal gzhon nur gyur pa la mchod pa byas te rang rang gi
139b₃ gnas su dong ngo / /bcom ldan 'das kyis de skad ces bka' stsal nas/ byang chub sems dpa' byams pa dang / tshe dang ldan pa kun dga' bo dang / thams cad dang ldan pa'i 'khor de yi rangs te/ bcom ldan 'das kyis gsungs pa la mngon par bstod do// //
139b₄ 'phags pa lha'i bu rab rtsal sems kyis zhus pa zhes bya ba theg pa chen po'i mdo rdzogs so// //rgya gar gyi mkhan po pradz+nyA warma dang / zhu chen gyi lo ts+tsha ba ban+de ye shes sde la sogs pas bsgyur cing zhus te gtan la phab pa// //
139b₅ @##/ /rgya gar skad du/ Ar+ya shrI ba su pa ri pr-its+tshA nA ma ma hA yA na sU tra/ bod skad du/ 'phags pa dpal dbyig gis zhus pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa
139b₆ dus gcig na/ bcom ldan 'das bA rA Na sI na drang srong smra ba kyi nags na byang chub sems dpa'i dge 'dun dang / nyan thos kyi dge 'dun chen po dang thabs cig tu bzhugs te/ de nas tshong dpon gyi bu dpal dbyig ces bya ba/ bA rA Na sI'i grong khyer chen po nas byung nas/
139b₇ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te lan gsum bskor ba byas nas phyogs gcig tu 'dug go/ /phyogs gcig tu 'dug nas tshong dpon gyi bu dpal dbyig gis/ bcom ldan 'das ga la ba de logs su thal

_{iiif viewer powered by OpenSeadragon}

139a - 140a

Texts on this page