rKTs

e-texts navigator

Volume

Page

12b₁ phyir bstan pa yongs su 'dzin pa la 'jug ste/ pha rol tu phyin pa drug gi stobs bskyed pa la brtson shing sems can yongs su smin par bya ba la yongs su mi skyo'o/ /de'i bstan pa yongs su 'dzin pa de yang rnam pa bcur rig par bya ste/ bcu gang zhe na/ 'di
12b₂ lta ste/ 'jig rten gyi chos brgyad kyis mi tshugs pa'i ting nge 'dzin sgrub pa la brtson pa dang / gzungs yongs su tshol ba la brtson pa dang / dam pa'i chos yongs su gzung ba'i phyir rnam par nges pa la mkhas pa dang / gang zag gang dag mngon par brtson pa de dag
12b₃ gos dang / zas dang / mal cha dang / stan dang / nad kyi gsos sman dang / yo byad rnams bstabs pas yongs su mi skyo ba dang / byang chub yang dag par 'dzin du 'jug pa la brtson pa dang / legs par bsams pa sems pa dang / legs par smra
12b₄ bas smra ba dang / legs pa'i las byed pa dang / rab tu 'byung bar sems pa dang / rgyal po la dga' ba la skyon du rtog pa dang / gzugs sdug cing gzugs bzang ba thams cad la mi lta ba'i yid dang ldan pa dang / tha na rgyal po gcig pur sred pas bsgrub
12b₅ pa la yang mi lta ba'i yid dang ldan pa ste/ bcu po 'di dag yin no/ /rgyal po chen po chos bzhi po 'di dag dang ldan pa'i rgyal rigs spyi bo nas dbang bskur ba'i rgyal po ni ji skad smos pa'i yon tan de dag thob par 'gyur ro/ /rgyal po chen po gzhan yang rgyal rigs spyi bo
12b₆ nas dbang bskur ba'i rgyal po ni gang zag gang dag bla na med pa yang dag par rdzogs pa'i byang chub bskal pa grangs med pa bye ba khrag khrig phrag 'bum gyis yang dag par bsgrub pa 'di 'dzin pa dang / klog pa dang / ston pa de dag la chos bzhin du srung ba dang / skyob pa
12b₇ dang / sbed par byed la sems can gang dag gang zag de lta bu dag la gnod pa byed pa'i rang bzhin can gyi gang zag de lta bu de dag la ni 'di ltar chos kyi longs spyod 'di la spyod pa yongs su bsrung ba'i phyir chad pas gcod par byed do/ /de'i dam pa'i chos yongs su 'dzin

_{iiif viewer powered by OpenSeadragon}

12a - 13a

Texts on this page