rKTs

e-texts navigator

Volume

Page

12a₁ byed la/ de dag gi zang zing yang sdud par byed pa ste/ bcu po de dag yin no/ /rgyal po chen po chos gnyis po 'di dang ldan pa'i rgyal rigs spyi bo nas dbang bskur ba'i rgyal po ni/ ji skad smos pa'i yon tan de dag thob par 'gyur ro/ /rgyal
12a₂ po chen po gzhan yang rgyal rigs spyi bo nas dbang bskur ba'i rgyal po ni chos zab mo'i bzod pa la mos shing stong pa nyid kyi ting nge 'dzin sgrub pa thob pa yin no/ /de'i zab mo la mos pa de yang rnam pa bcur rig par bya'o/ /bcu gang zhe na/ 'di lta ste/ ji skad
12a₃ smras pa de bzhin du byed pa dang / dge ba'i chos spyod pa thams cad yongs su rdzogs par bya ba las shas cher gus pa drag po dang ldan zhing ya nga ba'i las mngon par 'du byed pa yang yongs su spong ba dang / mngon par 'du byed pa yid du 'ong ba yang mngon par 'du byed pa
12a₄ dang / skye bo dbang phyug dang ldan pa rnams la yang gzu lums su nan gyis gnon par mi byed pa dang / yid du 'ong ba'i sbyin pa yang gzhan dag la stobs par byed de/ yid du mi 'ong ba yongs su spong ba dang / chos thams cad la yang stong ngo snyam du nges par 'byung
12a₅ bar byed pa dang / byed pa med pa'i lta bas yang dag pa'i mtha' la mtshan nyid gcig tu mos par yang mi byed la tha dad pa'i 'du shes can yang ma yin pa dang / rang gi yon tan gyis kyang gzhan gyi yon tan khyad du gsod par mi byed pa dang / tshad nges par 'dzin
12a₆ pa yang mi byed pa dang / gang zag sbyor ba med pa rnams la yang chos kyi dbyings bsam gyis mi khyab pa dang / 'thun par byed pa ste bcu po de dag yin no/ /rgyal po chen po chos gsum po 'di dang ldan pa'i rgyal rigs spyi bo nas dbang bskur ba'i rgyal po ni ji skad
12a₇ smos pa'i yon tan de dag thob par 'gyur ro/ /rgyal po chen po gzhan yang rgyal rigs spyi bo nas dbang bskur ba'i rgyal po ni 'jig rten gnas pa'i gnod pas sbags pas sbags par yang dag par mthong ba na bla na med pa yang dag par rdzogs pa'i byang chub bsgrub pa'i

_{iiif viewer powered by OpenSeadragon}

11b - 12b

Texts on this page