| e-texts navigator |
| བོད་ཡིག |
11a1 ba don yod byang chub sems dpa' lnga brgya tsam dang lhan cig tu bcom ldan 'das kyi zhabs la phyag 'tshal te/ bcom ldan 'das la bskor ba byas nas/ mthar gyis ljongs rgyu zhing song ba las lnga 'dzin gyi ljongs su phyin to/ /de nas rgyal po tshangs
11a2 pas byin gyis byang chub sems dpa' mthong ba don yod bdag gi yul 'dir phyin to zhes thos nas de tshim zhing mgul yi rangs te/ rab tu dga' ba dang / yid bde ba skyes nas skye bo'i tshogs mang pos yongs su bskor cing mdun du bdar nas/ byang chub sems dpa'
11a3 mthong ba don yod ga la ba der song ste phyin nas byang chub sems dpa' mthong ba don yod kyi rkang pa la mgo bos phyag 'tshal te phyogs gcig tu 'dug go/ /skye bo phal po che de dag kyang byang chub sems dpa' mthong ba don yod kyi rkang pa la mgo bos phyag 'tshal nas/
11a4 phyogs gcig tu 'khod do/ /de nas byang chub sems dpa' sems dpa' chen po mthong ba don yod kyis rgyal po tshangs pas byin g.yog 'khor dang bcas pa 'khod par rig nas rgyal po tshangs pas byin la 'di skad ces smras so/ /rgyal po chen po rgyal rigs spyi bo nas dbang bskur
11a5 ba'i rgyal po chos lnga dang ldan pa ni 'khor ba na 'khor ba'i tshe rtag tu khyad par du 'gro bar 'gyur la/ mi khom pa rnams su yang skye bar mi 'gyur ro/ /de bzhin gshegs pa dang yang phrad cing mnyes par byed par 'gyur ro/ /sangs rgyas bcom ldan 'das rnams chos
11a6 ston pa na yang ldem po'i ngag la mkhas par 'gyur ro/ /dran pa mi chod pa dang ldan par 'gyur/ mdzes par yang 'gyur/ dbang po ma tshang bar mi 'gyur/ sangs rgyas bcom ldan 'das rnams kyis kyang don dam pa dang ldan pa'i gtam 'di lta ste/ bden
11a7 pa bzhi bstan pa dang ldan pas bod par 'gyur te/ lnga gang zhe na/ rgyal po chen po 'di la rgyal rigs spyi bo nas dbang bskur ba'i rgyal po ni dad pa can yin te/ dad pa'i shas che zhing zhe 'gras pa med pa'i yid dang ldan no/ /de'i dad pa de yang nges par rtsa zug tu
iiif viewer powered by OpenSeadragon
Texts on this page
D159 - 'phags pa tshangs pas byin gyis zhus pa zhes bya ba theg pa chen po'i mdo