rKTs

e-texts navigator

Volume

Page

100a₁ nas spos thams cad dang / phreng ba thams cad dang / byug pa thams cad dang / me tog thams cad dang / phye ma thams cad kyis de bzhin gshegs pa la mngon par gtor nas tshig kyang 'di skad ces/ e ma'o chos kyi rnam grangs 'di 'dzam bu'i gling na yun ring du gnas
100a₂ pa dang rgyas par gyur cig ces 'dzer to/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo khyod kyis chos kyi rnam grangs 'di gzung ngam/ gsol pa/ bcom ldan 'das bdag gis gzung ngo / /bcom ldan 'das kyis bka' stsal pa/
100a₃ kun dga' bo de lta bas na chos kyi rnam grangs 'di gzung ba dang / bcang ba dang / bklag pa dang / yang dag par rab tu bstan pa'i phyir khyod la yongs su gtad do/ /gsol pa/ bcom ldan 'das gang chos kyi rnam grangs 'di 'dzin tam/ 'chang ngam/ klog gam/ gzhan dag la
100a₄ ston tam/ yi ger bris pa la mchod pa bgyid na de bsod nams ji tsam zhig bskyed par 'gyur/ bcom ldan 'das kyis bka' stsal pa/ yi ge dang nges pa'i tshig ji snyed kyis chos kyi rnam grangs 'di bstan pa de snyed kyi de bzhin gshegs pa dge slong gi dge 'dun dang bcas pa la
100a₅ bde ba'i yo byad thams cad kyis bsnyen bkur byas pa bas/ gang gis chos kyi rnam grangs 'di 'dzin pa dang / bzung nas kyang gzhan la ston pa dang / klog pa de ni de bas ches bsod nams mang du bskyed do/ /kun dga' bo gang gis dam pa'i chos yun ring du gnas par bya ba'i phyir
100a₆ chos kyi rnam grangs 'di glegs bam du bris te/ mchod na des tshe 'di nyid la gter 'thob pa bcu 'thob bo/ /bcu gang zhe na/ sangs rgyas kyi spyan rab tu thob pas sangs rgyas mthong ba'i gter dang / lha'i rna ba rab tu thob pas chos nyan pa'i gter dang / phyir mi ldog pa'i dge 'dun rab
100a₇ tu thob pas dge 'dun mthong ba'i gter dang / rin po che'i lag pa rab tu thob pas zad mi shes pa'i longs spyod kyi gter dang / mtshan dang dpe byad bzang po yongs su rdzogs pas gzugs kyi gter dang / g.yog mi phyed pas g.yog gi gter dang / gzungs rab tu thob pas thos pa'i

_{iiif viewer powered by OpenSeadragon}

99b - 100b

Texts on this page