| e-texts navigator |
| བོད་ཡིག |
9b1 'tshang rgya bar 'gyur ba ngas bshad par bya'o/ /bcom ldan 'das legs so zhes gsol te/ byang chub sems dpa' sems dpa' chen po blo gros rgya mtsho bcom ldan 'das kyi ltar mnyan pa dang / bcom ldan 'das kyis 'di skad ces bka' stsal to/ /blo gros rgya mtsho 'di
9b2 la byang chub sems dpa' sems dpa' chen po ni dge ba'i rtsa bas bstan pa yin te/ dge ba'i bsam pa dang ldan pa/ nges pa'i phung po la rab tu gnas pa/ tshogs bsags pa/ dbang po rno ba/ dge ba'i bshes gnyen gyis yongs su zin pa/ sangs
9b3 rgyas kyis byin gyis brlabs pa/ rgyu'i stobs can yin te/ de ni sangs rgyas bcom ldan 'das rnams mnyes par byed/ bsti stang du byed/ bla mar byed/ rim gror byed/ mchod par byed do/ /sangs rgyas bcom ldan 'das de dag gi gzugs phun sum tshogs
9b4 pa mthong zhing gsung snyan pa thos te/ 'khor phun sum tshogs pa yang mthong zhing chags pa med pa'i mkhyen pa yang thos la/ rdzu 'phrul gyi cho 'phrul lam/ kun brjod pa'i cho 'phrul lam/ rjes su bstan pa'i cho 'phrul gyis sems can 'dul ba mdzad pa yang mthong nas
9b5 sems can rnams la snying rje chen po skyes te/ bla na med pa yang dag par rdzogs pa'i byang chub tu sems bskyed nas/ brtson 'grus brtsams pa yin te/ dge ba'i chos yongs su tshol ba la brtson zhing thams cad mkhyen pa'i ye shes brjed pa med pas sems yongs su
9b6 dag par rnal 'byor du byed do/ /de sems yongs su dag pas ting nge 'dzin yongs su dag pa rab tu 'thob bo/ /blo gros rgya mtsho 'di lta ste/ dper na rigs 'phags pa'i nor bu rin po che nor bu mkhan mkhas pa'i lag tu son pa/ ji tsam na yongs su dag pa dang /
9b7 shin tu dkar ba dang / mthing bu dang bral ba dang / skyon med par gyur pa de srid du yongs su sbyangs na/ skyes bu mkhas pa nor bu rin po che la mkhas pa rnams 'du bar 'gyur ro/ /blo gros rgya mtsho de bzhin du byang chub sems dpa' rigs 'phags pas thams cad mkhyen
iiif viewer powered by OpenSeadragon
Texts on this page
D152 - 'phags pa blo gros rgya mtshos zhus pa zhes bya ba'i theg pa chen po'i mdo