| e-texts navigator |
| བོད་ཡིག |
99b1 gnas pa zhes bgyi'o/ /byang chub sems dpa' blo gros rgya mtshos gsol pa/ bcom ldan 'das byang chub sems dpa' dge ba'i bshes gnyen gyis yongs su zin pa 'di ni tshegs chung ngus sgrub pa yang dag pa 'phags pa thob par 'gyur ro/ /de ci'i slad du zhe na/
99b2 bcom ldan 'das byang chub sems dpa' gang dag la gnas shing bdud kyi lcags kyu las mi 'da' ba de dag thams cad ni sdig pa'i grogs pos yongs su zin pa lags so/ /gang dag bdud kyi lcags kyu las shin tu 'da' ba de dag thams cad ni dge ba'i bshes
99b3 gnyen gyis yongs su zin pa lags so/ /bcom ldan 'das de lta bas na byang chub sems dpa' bdud kyi lcags kyu las shin tu 'da' bar 'tshal bas dge ba'i bshes gnyen rnams la bsnyen par bgyi/ /bsten par bgyi/ bsnyen bkur bgyi'o/ /dge ba'i
99b4 bshes gnyen gyis yongs su zin pa'i byang chub sems dpa' ni tshegs chung ngus sgrub pa yang dag par 'phags pa thob par 'gyur ro/ /de nas bcom ldan 'das kyis byang chub sems dpa' blo gros rgya mtsho la 'di skad ces bka' stsal to/ /blo gros rgya mtsho khyod kyis
99b5 bdud kyi lcags kyu rnams shes sam/ gsol pa/ bcom ldan 'das bdag gis bdud kyi lcags kyu rnams 'tshal to/ /bcom ldan 'das kyis bka' stsal pa/ blo gros rgya mtsho gang thos pas byang chub sems dpa' rnams shin tu 'da' bar 'gyur zhing bdud dang
99b6 phyir rgol ba choms te myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur bar khyod bdud kyi lcags kyu bstan pa la rtsom ste spobs par gyis shig / blo gros rgya mtshos gsol pa/ bcom ldan 'das 'di lta ste/ sangs
99b7 rgyas kyi mthus bdag gis bdud kyi lcags kyu bshad par bgyi'o/ /bdud kyi lcags kyu rnams gang zhe na/ bcom ldan 'das bdud kyi lcags kyu ni bcu gnyis po 'di dag ste/ bcu gnyis gang zhe na/ bcom ldan 'das 'di la byang chub sems dpa' sbyin pa'i pha rol
iiif viewer powered by OpenSeadragon
Texts on this page
D152 - 'phags pa blo gros rgya mtshos zhus pa zhes bya ba'i theg pa chen po'i mdo