| e-texts navigator |
| བོད་ཡིག |
98b1 de'i sgrub pa yang dag pa lags so/ /byang chub sems dpa' ngan spong gis gsol pa/ bcom ldan 'das gang dag 'gyur ba dang rnam par rtog pa la spyod pa de dag la sgrub pa ga la mchis/ bcom ldan 'das 'gyur ba ma mchis pa dang rtog pa ma mchis
98b2 pa ni sgrub pa ste/ gang 'gyur ba ma mchis pa dang rnam par rtog pa ma mchis pa ni sems can gyi sems kyi rang bzhin lags so/ /sems kyi rang bzhin yongs su 'tshal ba dang ldan pa ni sgrub pa yang dag pa la gnas pa zhes bgyi'o/ /byang chub sems
98b3 dpa' bsam pa legs par sems kyis gsol pa/ bcom ldan 'das byang chub sems dpas ni sems can thams cad kyi sems kyi rjes su 'jug par bgyi ste/ gang 'dir sems can thams cad kyi sems rnams kyang sems ma
98b4 lags par sems 'tshal ba la 'jug pa 'di ni de'i sgrub pa yang dag pa lags so/ /byang chub sems dpa' zhi ba'i blo gros kyis gsol pa/ bcom ldan 'das nye bar zhi ba ni sgrub pa lags te/ ma zhi ba la ni sgrub pa ma mchis so/ /bcom ldan 'das
98b5 byang chub sems dpa' gang sems kyi dmigs pa thams cad las zhi ba dang rab tu zhi ba dang / nye bar zhi ba de rtog pa dang spong bar mi bgyid de rtog pa dang spong ba dang bral ba mnyam pa nyid du rtogs pa 'di ni de'i sgrub pa yang dag pa lags so/ /byang chub sems
98b6 dpa' ded dpon bzang pos gsol pa/ bcom ldan 'das byang chub sems dpa' dge ba'i rtsa bas brtan pa ni sgrub pa thob par bgyid pa lags te/ dge ba'i rtsa bas ma brtan pa ni ma lags so/ /bcom ldan 'das byang chub sems dpa' gang bsod
98b7 nams kyi tshogs kyis kyang brtan ye shes kyi tshogs kyis kyang brtan te/ bsod nams mnyam pa nyid bas ye shes mnyam pa nyid ye shes mnyam pa nyid pas bsod nams mnyam pa nyid/ bsod nams dang ye shes mnyam pa nyid pas byang chub mnyam pa nyid/
iiif viewer powered by OpenSeadragon
Texts on this page
D152 - 'phags pa blo gros rgya mtshos zhus pa zhes bya ba'i theg pa chen po'i mdo