rKTs

e-texts navigator

Volume

Page

98a₁ byang chub sems dpa' 'gro ba 'dzin gyis gsol pa/ bcom ldan 'das yang dag par sbyor ba'i sgrub pa lags kyi ya nga ba'i sbyor ba'i ma lags te/ bcom ldan 'das byang chub sems dpas yang dag pa'i sbyor ba la brtson par bgyi'o/ /de
98a₂ la yang dag pa'i sbyor ba gang zhe na/ 'di lta ste/ nam mkha' dang mnyam pa nyid pas gang chos thams cad mnyam pa nyid du 'tshal ba 'di ni de'i sgrub pa yang dag pa lags so/ /byang chub sems dpa' blo gros brtan pas gsol pa/ bcom ldan 'das byang
98a₃ chub sems dpa' gang thabs dang shes rab kyi ye shes kyis ma skyes pa las kyang skye/ ma byung ba las kyang 'byung yang skye ba dang 'jig pa dang gnas pa la mi gnas pa 'di ni de'i sgrub pa yang dag pa lags so/ /byang chub sems dpa' dpal brtsegs rgyal
98a₄ pos gsol pa/ bcom ldan 'das byang chub sems dpa' gang sems can thams cad rang bzhin gyis yongs su mya ngan las 'das par yang mthong la snying rje chen po'i go cha de yang mi 'dor zhing rtsol ba yang don mchis par mthong ba 'di ni de'i sgrub pa yang dag pa
98a₅ lags so/ /byang chub sems dpa' 'od zer thogs pa med pas gsol pa/ bcom ldan 'das rgyu ba'i gnas ji tsam pa de tsam du bdud kyi las so/ /ci tsam du bdud kyi las lags pa de tsam du sgrub pa ma mchis te/ bcom ldan 'das rgyu ba ma mchis
98a₆ pa'i gnas la gnas pa la ni bdud kyis glags mi rnyed de/ bdud kyi lam las shin tu 'das pa'i byang chub sems dpa' ni sgrub pa yang dag pa la gnas pa zhes bgyi'o/ /byang chub sems dpa' brtson 'grus 'bar gyis gsol pa/ bcom ldan 'das
98a₇ gang dag chos 'ga' zhig yongs su 'grub par 'tshal ba de dag gi 'bad pa don ma mchis pa lags so/ /bcom ldan 'das chos thams cad yongs su grub pa ma mchis par yang 'dir 'tshal la 'tshal ba gang lags pas kyang rlom sems su mi bgyid pa 'di ni

_{iiif viewer powered by OpenSeadragon}

97b - 98b

Texts on this page