| e-texts navigator |
| བོད་ཡིག |
97b1 pa ma mchis pa dang / gzhag pa ma mchis pas chos gang la'ang mi lta ba 'di ni de'i sgrub pa yang dag pa lags so/ /byang chub sems dpa' nyi ma'i snying pos gsol pa/ bcom ldan 'das gnas pa ni g.yo ba lags te/ mi gnas pa la g.yo ba ma
97b2 mchis so/ /bcom ldan 'das byang chub sems dpa' gang gnas par mi bgyid pa de ni mi g.yo'o/ /gang mi g.yo ba de chos thams cad kyis mi 'khrugs te/ 'di ni de'i sgrub pa yang dag pa lags so/ /byang chub sems dpa' dpa' bos gsol pa/ bcom
97b3 ldan 'das 'jig rten ni sems kyis spyod do/ /bcom ldan 'das 'jig rten ni sems kyis rgyug go/ /rjes su rgyug go/ /bcom ldan 'das byang chub sems dpa' gang sems thams cad sems ma mchis par gyur pa de ni mi sems mi rtog ste/ 'di ni de'i
97b4 sgrub pa yang dag pa lags so/ /byang chub sems dpa' mthong dgas gsol pa/ bcom ldan 'das tshor ba thams cad ni de bzhin gshegs pas sdug bsngal du gsungs te/ bcom ldan 'das byang chub sems dpa' gang tshor ba thams cad kyi rgyun bkum
97b5 nas tshor ba ma mchis shing len pa ma mchis kyang tshor ba 'gog pa la yang rig par mi bgyid la snying rje chen pos sems can thams cad kyang yongs su mi gtong ba 'di ni de'i sgrub pa yang dag pa lags so/ /byang chub sems dpa' glang chen spos kyi bal glang gis
97b6 gsol pa/ bcom ldan 'das byis pa so so'i skye bo dag ni phung po lnga la lta bas glags par gyur pas khur gyis non pa lags/ bcom ldan 'das byang chub sems dpa' gang phung po lnga yongs su 'tshal ba dang ldan te khur myur du 'dor ba de byis pa so so'i skye bo
97b7 phung po lnga la lta bas glags par gyur pas khur gyis non pa rnams kyi khur spang ba'i phyir chos ston kyang chos thams cad ma skyes shing mngon par grub pa ma mchis pas chos gang la yang yang dag pa'i 'du shes su mi 'gyur ba 'di ni de'i sgrub pa yang dag pa lags so/ /
iiif viewer powered by OpenSeadragon
Texts on this page
D152 - 'phags pa blo gros rgya mtshos zhus pa zhes bya ba'i theg pa chen po'i mdo