rKTs

e-texts navigator

Volume

Page

96b₁ la zhum pa med pa ni de bzhin byed pa'o/ /lhag pa'i bsam pa ni ji skad smra ba'o/ /de la ma chags par khyad par du 'gro ba ni de bzhin byed pa'o/ /dam bcas pa ni ji skad smra ba'o/ /dam bcas pa nyams 'og tu chud par byed pa ni de bzhin byed pa'o/ /thos pa kun tu
96b₂ 'dzin pa ni ji skad smra ba'o/ /thos pa sgrub pa ni de bzhin byed pa'o/ /tshig gis yang dag par blangs pa ni ji skad smra ba'o/ /lus dang sems zhum pa med pa ni de bzhin byed pa'o/ /nga rgyal med pa ni ji skad smra ba'o/ /ye shes yongs su rdzogs par byed pa ni de bzhin byed
96b₃ pa'o/ /bslab pa yang dag par blangs pa ni ji skad smra ba'o/ /bslab pa ma nyams pa ni de bzhin byed pa'o/ /sems dang po bskyed pa ni ji skad smra ba'o/ /byang chub sems dpa'i spyod pa sgrub pa ni de bzhin byed pa'o/ /mi skye ba'i chos la bzod pa ni ji skad smra ba'o/ /
96b₄ phyir mi ldog pa'i sa ni de bzhin byed pa'o/ /skye ba gcig gis thogs pa ni ji skad smra ba'o/ /byang chub kyi snying por 'dug pa ni de bzhin byed pa'o/ /yang dag par blangs pa brtan pa ni ji skad smra ba'o/ /thams cad mkhyen pa nyid mngon par rdzogs par byang chub pa ni
96b₅ de bzhin byed pa'o/ /chos kyi 'khor lo rab tu bskor ba ni ji skad smra ba'o/ /dkon mchog gsum gyi rigs mi 'chad par byed pa ni de bzhin byed pa'o/ /blo gros rgya mtsho byang chub sems dpa' sems dpa' chen po de lta bu ni ji skad smras pa de bzhin byed pa yin no/ /
96b₆ bcom ldan 'das kyis ji skad smras pa de bzhin byed pa bstan pa 'di bshad pa na/ byang chub sems dpa' lnga stong gis mi skye ba'i chos la bzod pa rab tu thob par gyur to/ /de nas bcom ldan 'das la byang chub sems dpa' sems dpa' chen po pad ma bkod pas 'di
96b₇ skad ces gsol to/ /bcom ldan 'das ji tsam du de bzhin gshegs pas ji skad smras pa de bzhin bgyid pas sangs rgyas kyi chos 'di thams cad bstan pa ni ngo mtshar to/ /bcom ldan 'das 'di la 'di lta ste/ de bzhin gshegs pa'i gsung bsgrub pa 'di yang

_{iiif viewer powered by OpenSeadragon}

96a - 97a

Texts on this page