rKTs

e-texts navigator

Volume

Page

93b₁ des dge slong yul shin tu rnam par dag pa la 'di skad ces bka' stsal to/ /dge slong khyod kyi ming ni yul shin tu rnam par dag pa zhes bya'o/ /khyod song la rang gi yul rnam par dag par bya ba'i phyir brtson par gyis shig /rang gi yul la tshul bzhin gyis so sor rtogs shig /
93b₂ ci nas kyang yul drug po dag gi nang nas chos gang khyod la snang bar 'gyur ba de nyid yang dag pa ji lta ba bzhin du yang dag par rdzogs pa khong du chud pas byang chub mthong bar 'gyur ba de ltar so sor rtogs shig /byang chub la ring ba'i 'du shes ma byed cig /nye ba'i 'du shes kyang ma byed cig /
93b₃ blo gros rgya mtsho de nas bcom ldan 'das des dge slong yul shin tu rnam par dag pa la gdams ngag 'dis gdams pa dang gcig pu dben par rtun cing shes bzhin dang ldan la bag yod par gnas te rang gi yul la yang dag pa ji lta ba bzhin du so sor rtog go/ /de'i tshul bzhin
93b₄ gyis so sor rtog pa gang zhe na/ 'di lta ste/ mig gi yul ni stong pa nyid kyi yul lo/ /stong pa nyid kyi yul ni sems can thams cad kyi yul lo/ /sems can thams cad kyang stong pa nyid kyi yul te sangs rgyas kyi yul lo/ /rna ba'i yul ni stong pa nyid kyi yul
93b₅ lo/ /stong pa nyid kyi yul ni sems can thams cad kyi yul lo/ /sems can thams cad kyang stong pa nyid kyi yul te/ sangs rgyas kyi yul lo/ /de bzhin du sna dang / lce dang / lus dang / yid kyi yul ni stong pa nyid kyi yul lo/ /stong pa nyid kyi yul ni
93b₆ sems can thams cad kyi yul lo/ /sems can thams cad kyang stong pa nyid kyi yul te/ sangs rgyas kyi yul lo/ /mig gi yul ni mtshan ma med pa'i yul lo/ /mtshan ma med pa'i yul ni sems can thams cad kyi yul lo/ /sems can thams cad kyang mtshan
93b₇ ma med pa'i yul te sangs rgyas kyi yul lo/ /yid kyi bar gyi yul ni mtshan ma med pa'i yul lo/ /mtshan ma med pa'i yul ni sems can thams cad kyi yul lo/ /sems can thams cad kyang mtshan ma med pa'i yul te sangs rgyas kyi yul lo/ /de bzhin du mig gi

_{iiif viewer powered by OpenSeadragon}

93a - 94a

Texts on this page