rKTs

e-texts navigator

Volume

Page

92b₁ dad pas legs par gsungs pa'i chos 'dul ba la khyim nas khyim med par rab tu byung shig / de ci'i phyir zhe na/ rgyal po chen po legs par gsungs pa'i chos 'dul ba la rab tu byung ba ni don che ba phan yon che ba rgya che ba'o/ /rgyal po chen po rab tu byung bar gtogs pa'i byang chub
92b₂ sems dpa'i 'thob pa chen po ni nyi shu po 'di dag ste/ thams cad mkhyen pa bla na med pa'i 'thob pa yongs su rdzogs par 'gyur ba dag go/ /nyi shu po de gang zhe na/ 'di lta ste/ rgyal srid dang longs spyod dang g.yog 'khor dang dbang phyug 'dor bas nga yi ba med cing yongs su 'dzin pa
92b₃ med pa 'thob pa dang / khyim nas 'byung ba la gzhol bas nyon mongs pa las byung ba 'thob pa dang / ngur smrig 'dzin pas rnyog pa med pa'i sems 'thob pa dang / 'phags pa'i rigs chog shes pas dgang sla ba dang / gso sla ba 'thob pa dang / sbyangs pa'i yon tan yo byad
92b₄ bsnyungs pa yang dag par len pas 'dod pa che ba dang sdig pa 'dod pa spong ba 'thob pa dang / tshul khrims kyi phung po yongs su dag pas lha dang mir skye ba 'thob pa dang / byang chub kyi sems mi 'dor bas pha rol tu phyin pa drug 'thob pa dang / dgon pa dben pa na gnas pas 'du
92b₅ 'dzi dang mi 'dre ba 'thob pa dang / gnod pa med pas chos sems pa'i bde ba 'thob pa dang / bsam gtan gyi yan lag yang dag par bsgrubs pas sems las su rung ba 'thob pa dang / thos pa yongs su tshol bas shes rab chen po 'thob pa dang / nga rgyal med pas ye
92b₆ shes chen po 'thob pa dang / don nyung zhing byed pa nyung bas chos rab tu rnam par 'byed pa 'thob pa dang / sems can thams cad la sems mnyam pa nyid pas byams pa chen po 'thob pa dang / sems can thams cad rab tu thar bar byed pa'i sems kyis snying rje chen po 'thob
92b₇ pa dang / lus dang srog la mi lta bas dam pa'i chos yongs su 'dzin pa 'thob pa dang / sems rab tu sbyangs pas mngon par shes pa chen po 'thob pa dang / sangs rgyas rjes su dran pas sangs rgyas mthong ba 'thob pa dang / tshul bzhin gyis chos la so sor rtog pas mi

_{iiif viewer powered by OpenSeadragon}

92a - 93a

Texts on this page