rKTs

e-texts navigator

Volume

Page

91b₁ bstan pas kyang yongs su mi skyo ba rnams yin/ yongs su mya ngan las 'das pa chen po la yang lta la tshe dang / 'chi 'pho dang / skye ba la yang mi smod pa rnams yin te/ rgyal po chen po byang chub sems dpa' sems dpa' chen po chos bzhi po de dag dang ldan na rgyang ring du yang lta
91b₂ zhing rtsa ba yang ma chad pa rnams yin no/ /rgyal po chen po byang chub sems dpa' sems dpa' chen po chos bzhi dang ldan na yul yang 'byor la bag yod pa yang mi 'dor ba rnams yin no/ /bzhi gang zhe na/ mi yongs su smin par bya ba'i phyir 'khor los sgyur ba'i rgyal por yang
91b₃ gyur la 'du byed la mi rtag par so sor rtog pas yul 'byor kyang bag med par mi 'gyur ba rnams yin/ lha yongs su smin par bya ba'i phyir lha rnams kyi dbang po brgya byin du yang 'gyur la 'du byed la sdug bsngal bar so sor rtog pas yul 'byor kyang bag med par mi 'gyur ba rnams
91b₄ yin/ bdud kyi ris kyi lha yongs su smin par bya ba'i phyir bdud nyid du yang nye bar ston la chos la bdag med par so sor rtog pas yul 'byor kyang bag med par mi 'gyur ba rnams yin/ tshangs ris kyi lha yongs su smin par bya ba'i phyir tshangs pa dbang sgyur du yang gyur la mya ngan las 'das
91b₅ pa la zhi bar rtog pas yul 'byor kyang bag med par mi 'gyur ba rnams yin te/ rgyal po chen po byang chub sems dpa' sems dpa' chen po chos bzhi po de dag dang ldan na yul yang 'byor la bag yod pa yang mi 'dor ba rnams yin no/ /rgyal po chen po byang chub sems dpa' sems
91b₆ dpa' chen po chos bzhi dang ldan na don zab mo'i tshul la mi skrag pa rnams yin no/ /bzhi gang zhe na/ yang dag pa'i dge ba'i bshes gnyen gang dag phyi rol du mi byed par rgyun du sangs rgyas kyi byang chub zab mo 'di yang dag par rab tu ston pa la bsten pa dang / mdo sde zab mo tshul
91b₇ 'di lta bu de dag mnyan pa'i phyir dpag tshad brgyar yang 'gro ba dang / ji ltar thos pa'i chos rnams kyi don la tshul bzhin du dpyod pa dang / don la rton pa yin gyi tshig 'bru la rton pa ma yin pa ste/ rgyal po chen po byang chub sems dpa' sems dpa' chen po chos bzhi po de dag dang

_{iiif viewer powered by OpenSeadragon}

91a - 92a

Texts on this page