rKTs

e-texts navigator

Volume

Page

90b₁ dpa' rgyang ring du'ang lta la rtsa ba yang ma chad pa rnams lags/ bcom ldan 'das ji ltar na byang chub sems dpa' yul yang 'byor la bag mchis pa yang mi 'dor ba rnams lags/ bcom ldan 'das ji ltar na byang chub sems dpa' don zab mo'i tshul la mi skrag pa rnams lags/
90b₂ bcom ldan 'das ji ltar na byang chub sems dpa' la byang chub sems dpa' yang dag pa rnams zhes bgyi/ de skad ces gsol pa dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od zer snang ba mtha' yas
90b₃ des rgyal po yul shin tu rnam par dag pa la 'di skad ces bka' stsal to/ /rgyal po chen po de'i phyir legs par rab tu nyon la yid la zung shig dang bshad do/ /rgyal po chen po byang chub sems dpa' sems dpa' chen po chos bzhi dang ldan na theg pa chen po la gzhan gyi dring mi
90b₄ 'jog pa rnams yin no/ /bzhi gang zhe na/ mos pa las nges par byung ba'i dad pa 'phags pa 'jig rten las 'das pa dang / phyir mi ldog pa'i brtson 'grus 'bar bas sems can yongs su smin par bya ba la brtson pa dang / shin tu rnam par brtags pa'i blos mngon par
90b₅ shes pa'i ye shes kyis rnam par rtsen pa dang / so so yang dag par shes pa dang ldan pa'i shes rab kyis chos thams cad nges par rtogs pa'i mtshan nyid de/ rgyal po chen po byang chub sems dpa' sems dpa' chen po chos bzhi po de dag dang ldan na theg pa chen po la gzhan gyi dring mi
90b₆ 'jog pa rnams yin no/ /rgyal po chen po byang chub sems dpa' sems dpa' chen po chos bzhi dang ldan na khyad par du 'gro bas de la ma chags pa rnams yin no/ /bzhi gang zhe na/ sems las su rung bas bsam gtan las ldog pa la mkhas pa rnams yin/ gzhan la bde ba
90b₇ rab tu sbyin pas bdag bde ba la mi chags pa rnams yin/ snying rje chen po la rab tu gnas shing byams pa chen po la gnas pa rnams yin/ gong nas gong ma'i khyad par 'dod pas rgya chen po la mos pa rnams yin te/ rgyal po chen po byang chub sems dpa' sems dpa' chen po

_{iiif viewer powered by OpenSeadragon}

90a - 91a

Texts on this page