| e-texts navigator |
| བོད་ཡིག |
8b1 'jig rten gsum gyi 'od gzhan zil du rlag / zhing brgya dag nas lhags pa'i byang chub sems dpa' khyu mchog ji snyed pa/ /de dag gtso bo khyod kyi mdog dang gzi brjid kyis ni tshim par gyur/ /gang dag smon lam ji ltar btab pa de ltar kun gyis 'thun par mthong / /
8b2 bdag cag gang nas ma 'ongs rang gi zhing nyid na ni 'dug par shes/ /ji ltar gang gis rang rig de ltar khyod kyi gsung ni shin tu 'jug /srid pa gsum na skad rnams ji snyed ci mchis de dang 'thun par 'jug /rdul gyi rdul dang mi rnams kyi ni sems kyi bsam pa
8b3 bgrang nus srid/ /thub pa'i gsung dbyangs tshad med nam mkha' 'dra 'di bgrang bar nus ma lags/ /nam mkha'i mtha' dang mi rnams kyi ni mtha' ma bgrang bar mi nus te/ /'khor ba'i sngon gyi mtha' ma nyid ni rnam pa kun tu bgrang mi nus/ /nam mkha'i
8b4 mtha' dang 'khor ba'i mtha' ni mi yis bgrang bar nus kyang srid/ /sangs rgyas mkhyen dang ting 'dzin tshul khrims yul ni gang du'ang shes mi nus/ /gzhal yas bskal par gang gi bsngags pa brjod par sla ba ma lags pa/ /khyu mchog dpag yas chos
8b5 kyi dbang phyug 'dren pa khyod la phyag 'tshal lo/ /skye bo gang dag shes dang mos pas sangs rgyas che ba rjes rtogs pa/ /de dag gis ni blo gros bsam yas rmad byung kun lhag 'dren pa mthong / /de nas byang chub sems dpa' sems dpa' chen po blo gros rgya mtshos
8b6 tshigs su bcad pa 'di dag smras nas bar snang de las babs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /gal te zhus nas zhu ba lung bstan pa'i slad du/ bcom ldan 'das
8b7 kyis bdag la skabs phye na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu'o/ /de skad ces gsol pa dang / bcom ldan 'das kyis byang chub sems dpa' sems dpa' chen po
iiif viewer powered by OpenSeadragon
Texts on this page
D152 - 'phags pa blo gros rgya mtshos zhus pa zhes bya ba'i theg pa chen po'i mdo