| e-texts navigator |
| བོད་ཡིག |
89b1 shin tu rnam par dag pa zhes bya ba ni bcom ldan 'das de'i sku skye ba'i sar gyur to/ /bcom ldan 'das de de nas mngon par byung nas bcom ldan 'das de grong khyer chen po dga' ba 'byung ba zhes bya bar gnas te bzhugs so/ /blo gros rgya mtsho de'i tshe de'i dus na grong khyer chen po dga' ba
89b2 'byung ba der 'khor los sgyur ba'i rgyal po yul shin tu rnam par dag pa zhes bya ba stong gsum gyi stong chen po'i 'jig rten gyi khams kyi dbang phyug rin po che sna bdun dang ldan pa zhig byung ngo / /de'i rin po che sna bdun ni 'di lta ste/ 'di ltar 'khor lo rin po che dang / glang po rin po che
89b3 dang / rta rin po che dang / bud med rin po che dang / nor bu rin po che dang / khyim bdag rin po che dang / blon po rin po che dang bdun no/ /rgyal po yul shin tu rnam par dag pa de yang bla na med pa yang dag par rdzogs pa'i byang chub la yang dag par zhugs par gyur te/ lhag
89b4 pa'i bsam pa phun sum tshogs pas sems can thams cad la sems zhe 'gras pa med pa'o/ /rgyal po yul shin tu rnam par dag pa de'i btsun mo'i 'khor gyi bud med ni bye ba phrag bzhi yod de/ gzugs bzang ba mdzes pa blta na sdug pa lha'i bu mo'i gzugs dang 'dra ba
89b5 bla na med pa yang dag par rdzogs pa'i byang chub la yang dag par zhugs pa sha stag go/ /de la bu stong yod de/ dpa' ba/ rtul phod pa/ yan lag bzang po mchog gi gzugs dang ldan pa/ pha rol gyi sde rab tu 'joms pa/ sred med kyi bu'i stobs kyi shugs phyed
89b6 bdog pa/ skyes bu chen po'i mtshan nyi shu rtsa brgyad kyis yan lag rnam par spras pa/ bla na med pa yang dag par rdzogs pa'i byang chub la yang dag par zhugs pa sha stag go/ /de la bu mo brgyad 'bum yod de/ gzugs bzang ba mdzes pa blta na sdug pa lha'i bu mo'i
89b7 gzugs 'dra ba/ bla na med pa yang dag par rdzogs pa'i byang chub la yang dag par zhugs pa sha stag go/ /blo gros rgya mtsho rgyal po yul shin tu rnam par dag pas bcom ldan 'das de bzhin gshegs pa 'od zer snang ba mtha' yas de 'khor dang bcas pa la bar gyi bskal pa
iiif viewer powered by OpenSeadragon
Texts on this page
D152 - 'phags pa blo gros rgya mtshos zhus pa zhes bya ba'i theg pa chen po'i mdo