rKTs

e-texts navigator

Volume

Page

87b₁ par dge ba'i rtsa ba de dag byang chub tu yongs su bsngo ba'o/ /shes rab dag pa ni gang sems can thams cad kyi dbang po mchog dang mchog ma yin pa shes pa'i ye shes so/ /thabs dag pa ni gang sems can thams cad la so so ci rigs par chos ston pa la mkhas pa'o/ /blo
87b₂ gros rgya mtsho gzhan yang dge ba'i rtsa ba dag pa ni gang srid par 'gro ba'i skye ba thams cad la mi gnas par dge ba'i de dag thams cad sogs pa'o/ /yongs su bsngo ba dag pa ni gang theg pa thams cad la yang dag par gzhol bas nyan thos dang rang sangs rgyas thams cad kyi yid la
87b₃ byed pa dang bral bar dge ba'i rtsa ba de dag theg pa chen por yongs su bsngo ba'o/ /shes rab dag pa ni gang bag chags kyi mtshams sbyor bar gyur pa'i nyon mongs pa thams cad yang dag par 'joms pa'o/ /thabs dag pa ni sems can gang dag yongs su smin par byed pa de dag don 'thun
87b₄ pas theg pa chen po yang dag par 'dzin du 'jug pa'o/ /gzhan yang dge ba'i rtsa ba dag pa ni 'di lta ste/ longs spyod mi zad pa dang lag na rin po che'o/ /yongs su bsngo ba dag pa ni gang sems can thams cad dang / slob pa dang / mi slob pa dang / rang sangs
87b₅ rgyas thams cad dang / byang chub sems dpa' thams cad dang / sangs rgyas thams cad kyi dge ba'i rtsa ba rnams yongs su bsngo ba des yongs su 'dzin cing yang dag par 'jug pa'o/ /shes rab dag pa ni gang gzungs kyi phyag rgyas btab nas sangs rgyas thams cad kyis
87b₆ gsungs pa kun tu 'dzin cing chud mi za bar byed pa'o/ /thabs dag pa ni gang spobs pa rgyun mi 'chad pa dang / spobs pa chags pa med pa dang / chos bstan pa don yod pas legs par bshad pas sems can thams cad yang dag par tshim par byed pa'o/ /blo gros rgya
87b₇ mtsho gzhan yang dge ba'i rtsa ba dag pa ni gang tshe rabs tshe rabs dag tu byang chub kyi sems mi brjed pa'o/ /yongs su bsngo ba dag pa ni gang byang chub kyi sems ma brjed par dge ba'i rtsa ba thams cad thams cad mkhyen pa nyid du yongs su bsngo ba'o/ /shes rab dag pa ni gang mi gnas

_{iiif viewer powered by OpenSeadragon}

87a - 88a

Texts on this page