rKTs

e-texts navigator

Volume

Page

87a₁ skyes pa dang ma byung bar so sor rtog pa 'di ni de'i shes rab kyi pha rol tu phyin pa'o/ /gang gi tshe snying rje chen po sngon du btang ba'i sems kyis 'dus ma byas su mi ltung zhing 'bras bu thob par yang mi byed pa 'di ni de'i thabs la mkhas pa'o/ /blo gros rgya mtsho
87a₂ gzhan yang gang gi tshe byang chub sems dpa' dus gsum mnyam pa nyid kyi phyir tha dad du bya ba'i chos gang yang mi mthong ste/ chos kyi dbyings kyi mnyam pa nyid gang yin pa de sems can gyi khams kyi mnyam pa/ sems can gyi khams kyi mnyam pa gang yin pa de mya ngan las 'das
87a₃ pa'i dbyings kyi mnyam pa mya ngan las 'das pa'i dbyings kyi mnyam pa gang yin pa de chos kyi dbyings kyi mnyam pa ste/ chos kyi dbyings la 'jug pas mnyam pa nyid la 'jug pa 'di ni de'i shes rab kyi pha rol tu phyin pa'o/ /gang gi tshe sems can gyi khams gcig tu rab tu shes
87a₄ shing mya ngan las 'das pa'i dbyings kyang mngon sum du mi byed la/ sems can gyi khams la lta bas chos kyi dbyings la mi lta bar yang mi 'gyur ba 'di ni de'i thabs la mkhas pa'o/ /rigs kyi bu gzhan yang sbyin pa dag pa ni shes rab bo/ /yongs su bsngo ba dag pa ni
87a₅ thabs so/ /tshul khrims dang bzod pa dang brtson 'grus dang bsam gtan dag pa ni shes rab bo/ /yongs su bsngo ba dag pa ni thabs so/ /mdor bsdu na dge ba'i rtsa ba thams cad dag pa ni shes rab bo/ /yongs su bsngo ba dag pa ni thabs so/ /blo gros rgya mtshos
87a₆ gsol pa/ bcom ldan 'das byang chub sems dpa'i dge ba'i rtsa ba yongs su dag pa ni gang lags/ yongs su bsngo ba dag pa ni gang lags/ shes rab dag pa ni gang lags/ thabs dag pa ni gang lags/ bcom ldan 'das kyis bka' stsal pa/ blo gros rgya mtsho
87a₇ dge ba'i rtsa ba dag pa ni gang bdag dang / sems can dang / srog dang / gso ba dang / skyes bu dang / gang zag tu lta ba dang bral bar dge ba'i rtsa ba de dag sogs pa'o/ /yongs su bsngo ba dag pa ni gang stong pa nyid dang mtshan ma med pa dang smon pa med pa yongs su 'dris

_{iiif viewer powered by OpenSeadragon}

86b - 87b

Texts on this page