rKTs

e-texts navigator

Volume

Page

86b₁ ni nyan thos dang rang sangs rgyas kyi theg pa pa'i gang zag rnams kyi tshig te/ de dag ni 'khor bar lhung ba'i sems can rnams mthong na mya ngan byed cing smre sngags 'don gyi 'byin ni mi nus so/ /tshong dpon nam khyim bdag ces bya ba de ni byang chub sems dpa'i tshig
86b₂ te/ de ni sems dag cing dri ma med de dri ma dang bral la 'dus ma byas kyi chos mngon sum du gyur kyang sems can yongs su smin par bya ba'i phyir bsams bzhin du khams gsum du mtshams sbyor ro/ /blo gros rgya mtsho 'di ni byang chub sems dpa' rnams kyi snying rje chen po ste/
86b₃ gang nyon mongs pa'i bcing ba thams cad las shin tu yongs su grol yang thabs mkhas pas srid par skye ba nye bar len la shes rab kyis yongs su zin pas rang gi nyon mongs pa rnams kyis kyang gnod pa med cing nyon mongs pa'i bcing thams cad spang ba'i phyir sems can rnams
86b₄ la chos kyang ston to/ /byang chub sems dpa' blo gros rgya mtshos gsol pa/ bcom ldan 'das byang chub sems dpa' sems dri ma ma mchis shing dri ma dang bral te/ de dag kyang 'khor ba la mi smod cing chos zab mo la ji lta ba bzhin du rtogs pas kyang 'dus ma byas
86b₅ su mi ltung zhing 'bras bu yang thob par mi bgyid pa ni bgyi dka' ba bgyid pa'o/ /bcom ldan 'das kyis bka' stsal pa/ blo gros rgya mtsho 'di ni byang chub sems dpa' rnams kyi yan lag gnyis dang rab tu ldan pa'i lam ste/ 'di ltar shes rab kyi pha rol tu phyin pa dang
86b₆ thabs la mkhas pa'o/ /blo gros rgya mtsho gang gi tshe byang chub sems dpa' sems dri ma med cing dri ma dang bral te dag par gyur pa 'di ni de'i shes rab kyi pha rol tu phyin pa'o/ /blo gros rgya mtsho gang gi tshe byang chub sems dpa' 'khor ba la mi smod cing sems can yongs su
86b₇ smin par bya ba'i phyir skye bar yang 'dzin pa 'di ni de'i thabs la mkhas pa'o/ /blo gros rgya mtsho gzhan yang gang gi tshe byang chub sems dpa' 'du byed thams cad la stong pa nyid dang / mtshan ma med pa dang / smon pa med pa dang / mngon par 'du byed pa med pa dang / ma

_{iiif viewer powered by OpenSeadragon}

86a - 87a

Texts on this page