| e-texts navigator |
| བོད་ཡིག |
86a1 sems dpa' ni de dag gis 'dre yang nyon mongs pa'i skyon rnams kyis mi gos so/ /blo gros rgya mtshos gsol pa/ bcom ldan 'das dge ba'i rtsa ba lags na ci'i slad du nyon mongs pa rnams zhes bgyi/ bcom ldan 'das kyis bka' stsal
86a2 pa/ blo gros rgya mtsho 'di ltar nyon mongs pa de lta bu de dag gis byang chub sems dpa' khams gsum dang 'dre zhing khams gsum pa ni nyon mongs pa las byung ba yin yang de la byang chub sems dpa' ni thabs la mkhas pa dang / dge ba'i rtsa ba'i stobs bskyed pas
86a3 bsams bzhin du khams gsum dang 'dre'o/ /de'i phyir dge ba'i rtsa ba dang mtshungs par ldan pa'i nyon mongs pa zhes bya ste/ khams gsum du 'dre bas de skad bya yi/ sems nye bar nyon mongs pas ni ma yin no/ /blo gros rgya mtsho 'di lta ste dper na/ tshong dpon
86a4 nam khyim bdag cig la bu sdug pa phangs pa yid du 'ong ba lta ba dang 'thun pa gcig pu zhig yod par gyur la/ khye'u de yang byis par gyur pas gar byed bzhin du/ khron pa btsog pa zhig tu lhung ba dang / de nas khye'u de'i ma dang / mdza' bshes dang / nye du
86a5 dag gis khye'u de khron pa btsog par lhung bar mthong la/ mthong nas kyang sgra cher phyung ste mya ngan byed cing smre sngags 'don gyi khron pa btsog pa der zhugs te bu gcig pa de mi 'byin la/ de nas khye'u de'i pha 'ongs te des bu gcig pa khron pa btsog par lhung ba de mthong la mthong nas
86a6 kyang bu gcig pa de la bsam pa thag pa nas byams shing rjes su chags pas mi smod par myur du skyen par la gor du khron pa btsog pa der zhugs te/ bu gcig pa phyung ba 'di lta bu 'di ni blo gros rgya mtsho ji tsam du don shes par bya ba'i phyir dper byas pa yin no/ /'dir don du lta ba
86a7 gang zhe na/ blo gros rgya mtsho khron pa btsog pa zhes bya ba ni khams gsum gyi tshig so/ /bu gcig pa zhes bya ba ni sems can thams cad kyi tshig te de dag la byang chub sems dpa' bu gcig pa ltar 'du shes so/ /ma dang mdza' bshes dang nye du zhes bya ba de
iiif viewer powered by OpenSeadragon
Texts on this page
D152 - 'phags pa blo gros rgya mtshos zhus pa zhes bya ba'i theg pa chen po'i mdo