rKTs

e-texts navigator

Volume

Page

85b₁ mongs pa spang ba'i phyir chos bstan nus so snyam nas de zhum pa'i sems mi skyed kyi de de bas kyang shas cher sems can thams cad rab tu thar bar bya ba'i sems bskyed pa bskyed do/ /de yang 'di snyam du sems te/ nyon mongs pa de dag la ni stobs dang mthu cung zad kyang med de/
85b₂ nyon mongs pa de dag ni stobs med pa nyam chung ba dag go/ /de dag ni yang dag pa la cung zad kyang mi gnas kyi nyon mongs pa de dag ni yang dag pa ma yin pa kun brtags pa dag ste/ de dag la yang dag pa ji lta ba bzhin du tshul bzhin yid la byed pas brtags na 'khrugs
85b₃ par mi 'gyur bas bdag gis de dag la ci nas kyang 'dre bar mi 'gyur ba de lta de ltar brtag par bya'o/ /nyon mongs pa rnams dang mi 'dre ba ni legs pa yin gyi 'dre ba ni ma yin no/ /gal te bdag nyon mongs pa rnams dang 'dre bar gyur na nyon mongs pa'i bcing bas bcings
85b₄ pa'i sems can rnams kyi nyon mongs pa'i bcing ba spang ba'i phyir ji ltar chos bstan gyis bdag nyon mongs pa rnams dang mi 'dre bar byas la nyon mongs pa'i bcing ba spang ba'i phyir sems can rnams la chos bstan par bya'o/ /bdag sems can yongs su smin par byed pa'i phyir
85b₅ gang dag 'khor ba'i rgyun byed la dge ba'i rtsa ba dang mtshungs par ldan pa'i nyon mongs pa de dag dang ni 'dre bar bya'o snyam mo/ /'khor ba'i rgyun byed la dge ba'i rtsa ba dang mtshungs par ldan pa'i nyon mongs pa de dag gang zhe na/ 'di lta ste/ bsod nams kyi tshogs
85b₆ yongs su btsal bar mi ngoms pa dang / bsams bzhin du srid par skye ba yongs su 'dzin pa dang / sangs rgyas dang phrad par smon pa dang / sems can yongs su smin par bya ba la yongs su mi skyo ba dang / dam pa'i chos yongs su 'dzin pa la brtson pa
85b₇ dang / sems can gyi bya ba ci yod snyam pa la spro ba dang / chos 'dod pa'i bag la nyal mi 'dor ba dang / pha rol tu phyin pa la sbyor ba rnams yongs su mi gtong ba'o/ /blo gros rgya mtsho de dag ni dge ba'i rtsa ba dang mtshungs par ldan pa'i nyon mongs pa rnams te/ byang chub

_{iiif viewer powered by OpenSeadragon}

85a - 86a

Texts on this page