rKTs

e-texts navigator

Volume

Page

85a₁ med pa dang smon pa med pa'i snod la ni rnam par rtog pa gang yang med do/ /de la ras shog po'i yug lta bur ni nyan thos kyi theg pa par blta'o/ /ras phran gyi yug lta bur ni rang sangs rgyas kyi theg pa par blta'o/ /rin thang med pa'i ras bcos bu'i zung
85a₂ lta bur ni theg pa chen po la yang dag par zhugs par blta'o/ /blo gros rgya mtsho chos rnams ni snying po med pa/ byed pa po med pa/ bdag med pa/ sems can med pa/ srog med pa/ gang zag med pa/ bdag po med pa ste/ 'di ltar ji ltar 'dod pa de ltar
85a₃ rnam par sgrub ste rnam par bsgrubs kyang sems pa ma yin/ rab tu rtogs pa ma yin pa la ltos/ blo gros rgya mtsho chos rnam par bsgrub pa 'di la mos pa'i byang chub sems dpa' ni chos gang la yang yongs su skyo ba mi bskyed do/ /de de ltar ye shes mthong ba shin tu rnam par dag pa
85a₄ yin te/ 'dir gang la yang phan pa'am gnod pa mi byed do/ /de ltar chos rnams kyi chos nyid yang dag pa ji lta ba bzhin du rab tu shes pa ni snying rje chen po'i go cha de yang mi 'dor ro/ /blo gros rgya mtsho 'di lta ste dper na/ nor bu rin po che bai dUr+ya rin thang med pa/ shin tu byang
85a₅ ba/ shin tu rnam par dag pa/ shin tu dri ma med pa rdzab kyi nang du bcug nas lo stong lon la de lo stong 'das nas rdzab de nas phyung ste bkrus shing yongs su sbyangs te/ byi dor byas na shin tu dag cing shin tu yongs su dag la shin tu byang nas de nyid dag pa dri ma med pa'i nor bu
85a₆ rin po che'i rang bzhin mi 'dor ro/ /blo gros rgya mtsho de bzhin du byang chub sems dpa' yang sems can thams cad kyi sems rang bzhin gyis 'od gsal bar rab tu shes la de yang blo bur gyi nye ba'i nyon mongs pas nyon mongs pa can du byas par mthong ngo / /de la byang
85a₇ chub sems dpa' 'di snyam du sems te/ nyon mongs pa 'di dag ni sems can rnams kyi sems rang bzhin gyis 'od gsal ba la zhugs pa med kyi nyon mongs pa de dag ni yang dag pa ma yin pa kun brtags pa las byung du zad pas bdag gis sems can de dag gi blo bur gyi nyon

_{iiif viewer powered by OpenSeadragon}

84b - 85b

Texts on this page