rKTs

e-texts navigator

Volume

Page

84b₁ chos mnyam pa nyid la yang gnas la sems can log pa nyid du mchis pa rnams la yang dag pa nyid kyi nges par gyur pa'i slad du chos kyang ston cing bsam pa yongs su ma rdzogs kyi bar du bdag nges par gyur pa der yang mi ltung ngo / /de skad ces gsol pa dang / bcom ldan 'das kyis
84b₂ byang chub sems dpa' blo gros rgya mtsho la 'di skad ces bka' stsal to/ /blo gros rgya mtsho de de bzhin no/ /ji skad du smras pa bzhin te/ byang chub sems dpas thams cad du thabs la mkhas pa 'dod par bya'o/ /de ci'i phyir zhe na/ blo gros rgya mtsho thabs la mkhas pa'i
84b₃ byang chub sems dpa' la byang chub yod kyi thabs la mi mkhas pa la ni byang chub med do/ /blo gros rgya mtsho 'di lta ste/ dper na/ snod gcig gi nang du tshon sna gsum ste/ sna gcig ni kha dog sngon po/ /sna gcig ni kha dog dmar po/ /sna gcig ni gser gyi kha
84b₄ dog lta bu ser po blugs la tshon gyi snod gcig pu der ras kha bsgyur ba gsum ste/ gcig ni ras shog po yug sngon por kha bsgyur ba/ gcig ni ras phran yug dmar por kha bsgyur ba/ gcig ni ras bcos bu rin thang med pa ser po gser gyi kha dog lta bur kha bsgyur
84b₅ ba zung gcig bcug la/ de dag snod gcig gi nang du bcug ste bstsubs na ji ltar kha bsgyur ba'i bye brag bzhin du tshon 'dzin te/ gang tshon sngon pos kha bsgyur ba de ni kha dog sngon por 'gyur/ gang tshon dmar pos kha bsgyur ba de ni kha dog dmar por 'gyur/ gang tshon ser
84b₆ po gser lta bus kha bsgyur ba de ni kha dog ser po gser lta bur 'gyur yang snod de la ni rnam par rtog par 'gyur ba gang yang med do/ /blo gros rgya mtsho de bzhin du stong pa nyid dang mtshan ma med pa dang smon pa med pa'i snod gcig la gang zag gsum ste/ gcig ni nyan thos kyi theg
84b₇ pa pa/ gcig ni rang sangs rgyas kyi theg pa pa/ gcig ni theg pa chen po la yang dag par zhugs pa btsud la de dag tshud pa dang / gang gis ci 'dra ba'i bsam pa dang sems kyi tshon bsags pa de 'dra bar de ye shes kyi tshon yongs su 'dzin kyang stong pa nyid dang mtshan ma

_{iiif viewer powered by OpenSeadragon}

84a - 85a

Texts on this page