rKTs

e-texts navigator

Volume

Page

84a₁ 'thob bo/ /blo gros rgya mtsho de bzhin du byang chub sems dpas dge ba'i rtsa ba shin tu mang po bsags pa yang thams cad mkhyen pa nyid du yongs su ma bsngos na pha rol tu phyin pa'i ming mi thob kyi gang gi tshe thams cad mkhyen pa nyid du yongs su bsngos par gyur pa de'i tshe
84a₂ pha rol tu phyin pa'i ming 'thob bo/ /blo gros rgya mtsho 'di lta ste dper na/ gser dul ma'i gar bu yongs su ma bsgyur na rgyan gyi ming mi 'thob ste gser gyi gar bu nyid kyi grangs su 'gro'o/ /de nyid yongs su bsgyur na rgyan gyi ming 'thob bo/ /blo gros rgya mtsho de bzhin du byang
84a₃ chub sems dpa'i dge ba'i rtsa ba yang yongs su ma bsngos na pha rol tu phyin pa'i ming mi 'thob kyi de nyid yongs su bsngos na pha rol tu phyin pa'i ming 'thob bo/ /blo gros rgya mtsho de lta bas na byang chub sems dpas rtag par rgyun tu 'dres pa med pa'i yid kyis dge ba'i rtsa ba bsags
84a₄ shing bsags pa rnams thams cad mkhyen pa nyid du yongs su bsngo bar bya'o/ /thams cad mkhyen pa nyid du yongs su bsngos pa'i byang chub sems dpa' ni chos zab mo rnams la yang spyod la bar skabs su yang dag pa'i mtha' mngon sum du mi byed do/ /yongs su bsngo ba'i
84a₅ le'u zhes bya ste dgu pa'o/ / //de nas bcom ldan 'das la byang chub sems dpa' blo gros rgya mtshos 'di skad ces gsol to/ /bcom ldan 'das byang chub sems dpa' gang 'khrul pa 'di snyed cig bsrung yang 'khrul par mi 'gyur ba ni bgyi dka' ba bgyid
84a₆ pa'o/ /bcom ldan 'das de lta lags kyis kyang byang chub sems dpas thams cad du yongs su bsngo ba la mkhas pa dang / thabs la mkhas pa 'tshal bar bgyi'o/ /de ci'i slad du zhe na/ bcom ldan 'das thabs kyis ni byang chub sems dpa' bsam gtan dang rnam par
84a₇ thar pa dang ting nge 'dzin dang snyoms par 'jug pa la snyoms par zhugs kyang bsam gtan dang / rnam par thar pa dang / ting nge 'dzin dang snyoms par 'jug pa rnams kyis 'khrugs par mi 'gyur te/ thabs mkhas pa des bgyi ba thams cad kyang ston la bgyi bar ltung bar yang mi 'gyur/

_{iiif viewer powered by OpenSeadragon}

83b - 84b

Texts on this page