rKTs

e-texts navigator

Volume

Page

83a₁ nas yang byang chub kyi phyogs kyi chos rnams yang dag par bsgrub cing sems can rnams kyang yongs su smin par byed do/ /blo gros rgya mtsho 'di ltar zhi ba'i ting nge 'dzin la snyoms par zhugs kyang nyan thos kyi rnam par grol ba'am/ rang sangs rgyas kyi rnam par grol bar mi ltung ba byang chub
83a₂ sems dpa' rnams kyi yongs su sbyong ba byed pa'i khyad par la ltos/ blo gros rgya mtsho 'di lta ste dper na/ mi gnyis shig yod pa la de la mi gcig ni bdag rdo rje'i go cha bgos nas me 'bar ba'i nang du mchongs/ mi cig shos ni bdag rtswa dang sog ma'i go cha bgos nas me 'bar ba'i nang du mchongs na/ blo gros
83a₃ rgya mtsho 'di ji snyam du sems/ mi de gnyis las gang tshig par 'gyur/ gang tshig par mi 'gyur/ gsol pa/ bcom ldan 'das mi gang rdo rje'i go cha 'tshal nas zhugs 'bar ba'i nang du mchongs pa de ni rdo rje'i go cha des yongs su bsrungs pas zhugs kyi nang du mchis kyang mi 'tshig
83a₄ go/ /bcom ldan 'das mi gang rtswa dang sog ma'i go cha 'tshal nas zhugs 'bar ba'i nang du mchongs pa de ni der mchongs ma thag tu tshig par 'gyur ro/ /de ci'i slad du zhe na/ bcom ldan 'das rtswa dang sog ma ni 'tshig pa'i bdag nyid lags te/ zhugs kyis 'tshig pa srung
83a₅ mi bzod do/ /bcom ldan 'das kyis bka' stsal pa/ blo gros rgya mtsho ji ltar rdo rje'i go cha bgos pa'i mi de me'i nang du song yang mi 'tshig pa de bzhin du byang chub sems dpa' byams pa chen po dang / snying rje'i go cha dang / lhag pa'i bsam pa sra ba'i rdo rje'i go cha bgos
83a₆ nas sems can rab tu thar par bya bar dmigs pa la gnas te/ chos thams cad la stong pa nyid dang / mtshan ma med pa dang / smon pa med pa dang / mngon par 'du mi byed pa dang / ma skyes pa dang / ma byung bar rtogs pa yang btang la zhi ba'i ting nge 'dzin de la yang
83a₇ snyoms par 'jug cing nyan thos dang rang sangs rgyas kyi nges par gyur pa la yang mi 'jug 'bras bu 'thob par yang mi byed par ting nge 'dzin de la yang myong zhing zil gyis mnan te yang ma nyams ma snad par ldang ngo / /langs nas kyang sangs rgyas kyi zhing yongs su sbyong / sangs rgyas kyi

_{iiif viewer powered by OpenSeadragon}

82b - 83b

Texts on this page