| e-texts navigator |
| བོད་ཡིག |
81b1 mtsho gzhan yang 'khor gsum yongs su dag pa gang zhe na/ gang la bdag tu 'dzin pa med pa dang / sems can du 'dzin pa med pa dang / chos su 'dzin pa med pa'o/ /gzhan yang 'khor gsum yongs su dag pa ni gang la ming du 'dzin pa med
81b2 pa dang / gzugs su 'dzin pa med pa dang / dmigs par 'dzin pa med pa'o/ /gzhan yang 'khor gsum yongs su dag pa ni 'das pa la zad par shes pa dang / ma 'ongs pa la ma phyin par shes pa dang / da ltar byung ba la gnas pa med par shes pa'o/ /gzhan yang 'khor gsum yongs su dag pa ni
81b3 lus la gzugs brnyan lta bur shes pa dang / ngag la brag ca lta bur shes pa dang / sems la sgyu ma lta bur shes pa'o/ /gzhan yang 'khor gsum yongs su dag pa ni/ phung po rnams la chos kyi phung po dang mnyam pa nyid dang / khams rnams la chos kyi dbyings dang
81b4 mnyam pa nyid dang / skye mched rnams la grong stong lta bur sor sor rtog pa'o/ /gzhan yang 'khor gsum yongs su dag pa ni stong pa nyid la mos pa dang / mtshan ma med pa la yid ches pa dang / smon pa med pa la som nyi med pa ste/ blo gros rgya mtsho 'khor gsum yongs su
81b5 dag pa 'di ni chos thams cad yongs su dag par 'gyur ba'o/ /blo gros rgya mtsho de lta bas na byang chub sems dpas 'khor gsum yongs su dag pa'i ye shes la mkhas par bya'o// //'phags pa blo gros rgya mtshos zhus pa/ bam po brgyad pa/ de nas bcom
81b6 ldan 'das la byang chub sems dpa' blo gros rgya mtshos 'di skad ces gsol to/ /bcom ldan 'das ji tsam du slar mi ldog pa'i byang chub sems dpa' chos zab mo 'tshal ba dang ldan pa ni ngo mtshar to/ /bcom ldan 'das chos 'tshal ba 'di lta bu dang ldan pa'i byang chub sems dpa'i
81b7 yongs su bsngo ba la mkhas pa ci 'dra lags/ de skad ces gsol pa dang / bcom ldan 'das kyis byang chub sems dpa' blo gros rgya mtsho la 'di skad ces bka' stsal to/ /blo gros rgya mtsho sa 'di la gnas pa'i byang chub sems dpa' rnams sngon gyi shugs kyis bya ba byed de/
iiif viewer powered by OpenSeadragon
Texts on this page
D152 - 'phags pa blo gros rgya mtshos zhus pa zhes bya ba'i theg pa chen po'i mdo