rKTs

e-texts navigator

Volume

Page

80b₁ rigs kyi bu de de bzhin no/ /ji skad smras pa bzhin te/ rjes su 'gro ba med pa'i tshul gyis sangs rgyas byung ba'i rjes su 'gro bar bya ste/ sangs rgyas byung ba la ji lta ba bzhin du chos thams cad byung ba'i rjes su 'gro bar bya'o/ /de nas bcom ldan 'das la byang chub sems
80b₂ dpa' blo gros rgya mtshos 'di skad ces gsol to/ /bcom ldan 'das las dang po pa'i byang chub sems dpa' rnams kyis ni sangs rgyas 'byung ba 'di lta bu 'di ma 'tshal na/ bcom ldan 'das de dag la sangs rgyas 'byung ba lta mchis sam/ bcom ldan 'das kyis
80b₃ bka' stsal pa/ blo gros rgya mtsho ji ltar sems yongs su dag pa bzhin du de dag la yang sangs rgyas 'byung ngo / /de ci'i phyir zhe na/ blo gros rgya mtsho byang chub sems dpa' ni bzhi po 'di dag ste/ bzhi gang zhe na/ 'di lta ste/ sems dang po bskyed pa'i byang chub
80b₄ sems dpa' dang / spyod pa la zhugs pa dang / phyir mi ldog pa dang / skye ba gcig gis thogs pa'i byang chub sems dpa' ste/ blo gros rgya mtsho byang chub sems dpa' bzhi po de dag go/ /blo gros rgya mtsho de la sems dang po bskyed pa'i byang chub sems dpa' gang yin pa
80b₅ des ni de bzhin gshegs pa la gzugs dang mtshan du mthong ngo / /spyod pa la zhugs pa'i byang chub sems dpa' gang yin pa des ni de bzhin gshegs pa la yon tan yongs su grub par mthong ngo / /phyir mi ldog pa'i byang chub sems dpa' gang yin pa des ni de bzhin gshegs
80b₆ pa la chos kyi skus rab tu phye bar mthong ngo / /blo gros rgya mtsho skye ba gcig gis thogs pa'i byang chub sems dpa' gang yin pa des ni de bzhin gshegs pa la gzugs dang mtshan dang yon tan yongs su grub pa dang skye ba dang rigs dang rus dang / chos nyid du khas mi len to/ /de
80b₇ ci'i phyir zhe na/ de'i mig ni shes rab kyis rnam par lta ba'o/ /shes rab la gnas pa'o/ /shes rab tu yang dag par 'du ba'o/ /shes rab kyang rgyu ba med pa spros pa med pa ste/ de ni mthong ba yang ma yin mi mthong ba yang ma yin no/ /de ci'i phyir zhe na/ mthong ba

_{iiif viewer powered by OpenSeadragon}

80a - 81a

Texts on this page