rKTs

e-texts navigator

Volume

Page

80a₁ yang dag par spong ba byung ba'o/ /rdzu 'phrul gyi rkang pa byung ba'o/ /dbang po byung ba'o/ /stobs byung ba'o/ /byang chub kyi yan lag byung ba'o/ /lam byung ba'o/ /zhi gnas byung ba'o/ /lhag mthong byung ba'o/ /mngon par shes pa byung ba'o/ /
80a₂ rig pa byung ba'o/ /rnam par grol ba byung ba'o/ /bcom ldan 'das sangs rgyas byung ba ni mi dge ba'i chos thams cad spong ba dang dge ba'i chos thams cad byung ba'o/ /de nas byang chub sems dpa' sems dpa' chen po shes rab brtsegs zhes bya ba 'khor de nyid du 'dus par
80a₃ gyur te 'dug pa des bcom ldan 'das la 'di skad ces gsol to/ /bcom ldan 'das kyis gsung ba'i don ji ltar bdag gis 'tshal ba ltar na bdag 'di snyam bgyid de/ bcom ldan 'das 'di ltar sangs rgyas byung ba ni 'jig tshogs la lta ba byung ba'o/ /bcom ldan 'das
80a₄ sangs rgyas byung ba ni ma rig pa dang srid pa dang sred pa byung ba'o/ /bcom ldan 'das sangs rgyas byung ba ni 'dod chags dang zhe sdang dang gti mug byung ba'o/ /bcom ldan 'das sangs rgyas byung ba ni phyin ci log bzhi byung ba'o/ /bcom ldan 'das sangs rgyas byung ba ni sgrib
80a₅ pa lnga byung ba'o/ /bcom ldan 'das sangs rgyas byung ba ni skye mched drug byung ba'o/ /bcom ldan 'das sangs rgyas byung ba ni rnam par shes pa'i gnas bdun byung ba'o/ /log pa nyid brgyad byung ba'o/ /gnod pa'i dngos po dgu byung ba'o/ /bcom ldan 'das sangs rgyas
80a₆ byung ba ni mi dge ba bcu'i las kyi lam byung ba'o/ /de ci'i slad du zhe na/ bcom ldan 'das sdig pa mi dge ba'i chos de dag spang ba'i slad du sangs rgyas byung ba lags kyi bcom ldan 'das sangs rgyas byung ba gnyen pos rab tu phye ba ni ma lags te/ bcom ldan 'das sangs rgyas
80a₇ byung ba ni gnyen po ma mchis pa gnyen po dang bral ba'o/ /bcom ldan 'das sangs rgyas byung ba ni rjes su mchi bar 'tshal ba'i byang chub sems dpa' rjes su 'gro ba ma mchis pa'i tshul gyis de ltar sangs rgyas byung ba'i rjes su mchi bar bgyi'o/ /bcom ldan 'das kyis bka' stsal pa/

_{iiif viewer powered by OpenSeadragon}

79b - 80b

Texts on this page