rKTs

e-texts navigator

Volume

Page

79b₁ lags/ /sems kun sems ma mchis pas mnyam pa'i sems/ /sems ni sgyu mar 'gyur dang rtog ma mchis/ /byang chub sems ni mnyam nyid thugs su chud/ /des na sangs rgyas mnyam pa'i chos la gnas/ /chos dbyings mnyam pa'i dbyings la rab tu
79b₂ zhugs/ /chos rnams thams cad dngos por 'jug ma mchis/ /dngos dang dngos med chags bral chags mnyam pa/ /'gro ba'i don mdzad khyod la phyag 'tshal lo/ /gdugs dang dgung zla dog sar lhung yang gda'/ /bser ma zhags pas bzung du rung yang gda'/ /ri
79b₃ rgyal kha yi dbugs kyis gtor du rung / /rgyal ba'i gsung ni log par gsung mi mnga'/ /yang dag kho na gsung can yongs su dag /thugs dag nam mkha' 'dra ba'i thugs mnga' ba/ /'jig rten chos dang rnyed dang sred pa bsal/ /pad ma lta bur srid gsum chags mi mnga'/ /
79b₄ bsngags pa'i phreng ba gsan kyang dgyes mi 'gyur/ /smad pa gsan kyang zhe sdang yong mi mnga'/ /ri rab lta bur yongs su rtog las grol/ /'gro la bde stsal khyod la phyag 'tshal lo/ /de nas byang chub sems dpa' sems dpa' chen po de dag gis bcom ldan 'das la
79b₅ tshigs su bcad pa de dag gis mngon par bstod nas/ bcom ldan 'das la 'di skad ces gsol to/ /bcom ldan 'das sangs rgyas byung ba ni rin po che byung ba'o/ /bcom ldan 'das sangs rgyas byung ba ni bden pa byung ba'o/ /dran pa byung ba'o/ /blo gros byung ba'o/ /
79b₆ rtogs pa byung ba'o/ /ngo tsha shes pa byung ba'o/ /mos pa byung ba'o/ /sbyin pa byung ba'o/ /tshul khrims byung ba'o/ /bzod pa byung ba'o/ /brtson 'grus byung ba'o/ /bsam gtan byung ba'o/ /shes rab byung ba'o/ /bcom ldan 'das sangs rgyas byung ba ni byams pa
79b₇ byung ba'o/ /snying rje byung ba'o/ /dga' ba byung ba'o/ /btang snyoms byung ba'o/ /don byung ba'o/ /bde ba byung ba'o/ /chos byung ba'o/ /bcom ldan 'das sangs rgyas byung ba ni yang dag par dga' bar 'gyur ba'i chos byung ba'o/ /dran pa nye bar gzhag pa byung ba'o/ /

_{iiif viewer powered by OpenSeadragon}

79a - 80a

Texts on this page