rKTs

e-texts navigator

Volume

Page

74a₁ mchog la zhugs nas mnyam par mthong / /gang dag sna tshogs sngags dang 'jig rten don ldan dang / /gang dag dge chos yang dag 'jig rten 'das gyur pa/ /slob dang mi slob gang dag rang rgyal rnams kyi dang / /sgo der sangs rgyas theg pa che ba'i bdag nyid
74a₂ zhugs/ /gang dag nyon mongs rnam mang sna tshogs sems ldan dang / /sdug bsngal sems can gang dag 'dus byas 'khor gyur pa/ /de dag shin tu rab tu zhi bar byed cing 'gro/ /byang chub sems dpa' theg pa mchog la gnas nas ston/ /le lo can gyi mi gang nyam chung mthu zhan la/ /
74a₃ sems can sdug bsngal zad par bya phyir sems mi bskyed/ /bdag bde tshol gyi sems can don la mi brtson pa/ /de dag theg pa mchog thos nas ni sems skrag 'gyur/ /byang chub sems dpa' mkhas gsal bdag nyid chen po gang / /brtson 'grus stobs ldan rtag tu sems can don
74a₄ brtson la/ /snying rje che dang ldan zhing bsam pa dag gyur la/ /de dag rab tu dga' ba'i sems kyis theg mchog zhon/ /theg pa mchog rab gya nom gtso bo 'dir gnas te/ /'jig rten kun gyi spyod rnams mtha' yas ji snyed dang / /dbang po tha ma 'bring dang rab dang bsam pa rnams/ /
74a₅ spyod kun byang chub sems dpas skad cig tsam las shes/ /rlabs po che yi theg pa mchog 'dir gnas nas ni/ /de yi lus kyi yan lag mtshan gyis brgyan par 'gyur/ /tshig snyan yid du 'ong zhing 'jig rten kun tshim byed/ /sems yid rnam dag bsam gtan mngon shes ldan par
74a₆ 'gyur/ /'di las rgyal ba rnams kyi sangs rgyas tshul mi 'chad/ /'di las chos tshul gya nom tshul yang rab tu 'bar/ /'di las 'gro ba'i sbyin gnas dge 'dun 'byung bar 'gyur/ /des na sangs rgyas theg 'di 'jig rten gsum du grags/ /theg pa 'di ni stong pa'i zhing du mi 'gro
74a₇ ste/ /rgyal ba rnams kyi 'di ni skad cig mi snang 'gro/ /phyogs bcur song yang yongs su mi skyo 'grib pa med/ /mtshungs pa med pa'i theg pa'i cho 'phrul ci 'dra ltos/ /'jig rten kun tu bskor kyang gang zhig de 'dra 'am/ /de las lhag par 'gyur ba'i sems can de mi rnyed/ /byang chub

_{iiif viewer powered by OpenSeadragon}

73b - 74b

Texts on this page