rKTs

e-texts navigator

Volume

Page

73b₁ bye bar rgya chen las byung bsags par brjod/ /tshul khrims kyis ni sdig bsal lus dang ngag dang sems/ /srid pa thams cad bor nas byang chub snying por 'gro/ /mnyam zhing rjes su mnyam sems sems can kun skabs 'byed/ /de las gzhan pa'i theg dman ji snyed zil
73b₂ gyis gnon/ /gang dag rdzu 'phrul rkang gi ri rab rgyal mtshan mtho/ /theg pa chen por 'gro zhing sems can tshim par byed/ /thos dang dul bar ldan zhing bsam gtan tshul khrims ldan/ /bzod stobs rab tu/ /thob cing shes rab dbang bskur ba/ /pha rol tshogs rnams bcom
73b₃ zhing bdud kyi sde spangs nas/ /chags med theg pa che dang byang chub snying por 'gro/ /byams pa'i go cha'i chos kyi dgra yis thub par dka'/ /chos dang ldan nas snying rje chen por rim gyis 'gro/ /bsam gtan rdzu 'phrul rkang dang tshad med bzhon pa ste/ /lam de mi 'dor kha lo bsgyur
73b₄ ba byang chub sems/ /phyogs bcu mtha' yas sems can khams rnams ji snyed pa/ /theg pa chen po 'di la bskyon pa thams cad ni/ /gnod pa med cing 'grib pa med cing gang ba med/ /bde bar gshegs kyi theg pa'i cho 'phrul 'di 'dra'o/ /dran gnas yang dag sbyor dang spong ba bzhi
73b₅ dag dang / /rdzu 'phrul rkang pa bzhi dang dbang po stobs rnams dang / /rgyal bas bsngags pa'i byang chub yan lag rin chen bdun/ /lam gyis 'gro bar ldan pa byang chub snying por 'gro/ /zhi gnas nyon mongs zhi zhing chos la snang bar 'gyur/ /rdul dang mun pa bsal nas
73b₆ srid pa gsum na mdzes/ /brgya byin dang ni tshangs pas spyi bos phyag byas te/ /legs so mtshungs med theg 'dir kun gyis bzhon par bgyi/ /pha rol phyin pa gang dag sbyin tshul bzod pa dang / /brtson 'grus bsam gtan shes rab ye shes mngon par shes/ /de bzhin thabs
73b₇ dang bsdu ba snying po ldan pa ste/ /bdud rnams brgya stong gis kyang gdul phyir thub pa med/ /sems can gang dag tshul ngan sdig las brtson pa dang / /byang chub sems dpa' gang dag yon tan brgyas 'phags dang / /gang dag byang chub sems kyi sems rgya cher gyur pa/ /kun kyang theg pa

_{iiif viewer powered by OpenSeadragon}

73a - 74a

Texts on this page