rKTs

e-texts navigator

Volume

Page

73a₁ bzhi'am/ lnga'am/ bcu'am/ nyi shu'am/ sum cu'am/ bzhi bcu'am/ lnga bcu'am/ drug cu'am/ bdun cu'am/ mtha' dag rdzogs par 'dzin pa lta smos kyang ci 'tshal te/ skyes bu dam pa de dag gi bsod nams kyi mtha' rtogs par
73a₂ mi nus so/ /bcom ldan 'das byang chub kyi sems dang ma bral ba/ sems can thams cad la snying rje chen pos rab tu non pa gang dag chos kyi sgo'i le'u 'di 'dzin pa dang / 'chang ba dang / klog pa dang / kun chub par bgyid pa dang / gzhan dag la yang rgya cher yang dag par
73a₃ rab tu ston pa de dag bla na med pa yang dag par rdzogs pa'i byang chub tu lung bstan pa dang / de dag bdud choms pa dang / de dag theg pa chen po 'di la mngon par shes pa thob par rig par bgyi'o zhes ched du brjod pa ched du brjod do/ /de nas bcom ldan 'das kyis lha'i bu de dag la
73a₄ legs so zhes bya ba byin te/ lha'i bu dag tshig 'di legs par smra ba legs so legs so/ /gang dag chos kyi sgo'i le'u 'di nyan pa dang / thos nas kyang mos pa dang / mos nas kyang len pa dang / 'dzin pa dang / klog pa dang / kun chub par byed pa dang / de bzhin
73a₅ nyid du sgrub pa'i skyes bu dam pa de dag byang chub kyi snying po la gzhol bar blta/ de dag yon tan thams cad la gnas par blta/ de dag thams cad mkhyen pa'i gtsug tu phyin pa dang / 'jig rten gnas pa long ba la shes rab kyi sgron ma byed pa dag tu blta ste/ de dag ring por mi thogs par
73a₆ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /de ci'i phyir zhe na/ 'di lta ste/ de dag theg pa chen po'i theg pa la zhon pa'i phyir ro/ /de nas de'i tshe bcom ldan 'das kyis tshigs su bcad pa 'di dag gsungs so/ /sangs rgyas theg
73a₇ pa chen po'i theg 'di khyad par 'phags/ /nam mkha'i dkyil dang 'dra ste 'jig rten kun las 'das/ /srid pa gsum las 'das nas byang chub snying por 'gro/ /chags pa med de chags pa kun las shin tu 'das/ /sbyin dang dul dang zhi dang tshul bzhin bsam pa yis/ /bskal pa

_{iiif viewer powered by OpenSeadragon}

72b - 73b

Texts on this page