rKTs

e-texts navigator

Volume

Page

72b₁ khyer bA rA Na sI drang srong lhung bar chos kyi 'khor lo rin po che chen po rab tu bskor to/ /de ltar yang bcom ldan 'das kyis 'dir 'dus pa chen po'i le'u'i chos kyi rnam grangs chos rin po che'i gter chen po bla na ma mchis pa 'di phye ste/ bcom ldan 'das kyis bsri ba mi mnga' ba'i thugs
72b₂ kyis sems can thams cad la thugs rje chen po'i thugs bskyed de/ phan pa'i dngos po yang dag par bskyed nas tshangs pa'i dbyangs kyis go bar mdzad pa'i gsung gis lha dang mi dang lha ma yin du bcas pa'i 'jig rten la tshur shog /chos rin po che'i gter chen po bla na med pa skye ba
72b₃ dang rga ba dang na ba dang 'chi ba'i mthar 'byin pa zad mi shes pa bde ba thams cad sbyin pa 'di long shig ces go bar mdzad pa de la bcom ldan 'das skyes bu gti mug can ma dad pa kha cig ni ma mos glo ba mi ches mi rtog cing dad par mi bgyid do/ /dad pa rtog pa'i rang bzhin can kha cig ni mos
72b₄ shing glo ba ches/ rtog cing dad par bgyid de/ de dag gis de bzhin gshegs pa'i chos rin po che'i gter chen po las ci nus ci 'os su chos rin po che len cing theg pa la ji ltar mos pa bzhin du rnam par 'grel te/ kha cig ni nyan thos nyid kyi slad du/ kha cig ni rang sangs rgyas nyid kyi
72b₅ slad du/ kha cig ni bla na med pa yang dag par rdzogs pa'i byang chub kyi slad du zhugs kyang de bzhin gshegs pa'i chos rin po che'i gter chen po bla na ma mchis pa ni yongs su bas par mi 'gyur zhing yongs su mi rtog go/ /bcom ldan 'das de la gang gis de bzhin gshegs pa'i chos
72b₆ rin po che'i gter chen po 'di ltar rab tu btang ba 'di ltar rnam par phye ba 'di las tha na gang tsam yang mi 'dzin pa de dag rin po che las yongs su nyams shing rin po che las slad rol du gyur te/ yun ring por ngan song gsum po dag la dga' bar 'gyur ro/ /bcom ldan 'das gang
72b₇ dag chos rin po che'i gter chen po 'di las tha na tshig bzhi pa'i tshigs su bcad pa tsam 'dzin pa de dag ni 'phags pa'i nor dang ldan te dbul po ma lags na/ gang 'dus pa chen po'i le'u chos kyi rnam grangs 'di las tha na le'u gcig tsam 'dzin tam/ gnyis sam/ gsum 'am/

_{iiif viewer powered by OpenSeadragon}

72a - 73a

Texts on this page