rKTs

e-texts navigator

Volume

Page

72a₁ byas te/ kye ma'o 'di ni chos kyi gter chen po ste/ de bzhin gshegs pas phye ba thugs rje chen po la gnas nas sems can thams cad la yang dag par rab tu bstan pa'o/ /bcom ldan 'das de la chos rin po che'i gter chen po 'di las gang gis tha
72a₂ na tsam zhig yongs su 'dzin pa de dag thams cad kyang ngan 'gror rnam par ltung ba'i 'jigs pa rnams las yongs su thar bar 'gyur/ rim gyis chos kyi 'khor lo rin po che bla na med pa rab tu bskor bar 'gyur ro/ /'di lta ste dper na/ bcom ldan 'das skyes bu
72a₃ la la zhig gis grong ngam grong khyer ram grong rdal dang ha cang yang mi ring ba zhig na gter chen po'i rin po che thams cad kyis yongs su gtams pa bas mi 'tshal ba zhig mthong ste/ skyes bu de yang phan pa'i dngos po phun sum tshogs par gyur la/ des gter chen po de mthong nas kyang
72a₄ grong ngam grong khyer ram grong rdal du mchis te skye bo'i tshogs phal po che la bsgo'o snyam du bsams nas skyes bu khyod tshur shog / khyed kyi nang nas su la rin po che dgos pa la ngas gter chen po zad mi shes pa de bstan par bya'o zhes bgyis pa dang / bcom ldan 'das de'i nang nas kha cig
72a₅ ni de la dad par gyur/ kha cig ni dad par ma gyur la/ de'i nang nas gang dag dad par gyur pa de dag gter chen po'i gan du mchis te kha cig ni stobs ci tsam pa de snyed kyi rin po che rnams 'tshal te mchis/ kha cig ni ji ltar rtogs pa de 'dra ba'i rin po che 'tshal te mchis kyang gter
72a₆ chen po de bas par mi 'gyur zhing 'di dag la ni stsal to/ /'di dag ni mi stsal te/ 'di dag ni 'tshal kyang rung / 'di dag ni 'tshal du mi rung ngo snyam du yongs su mi rtog go/ /de ci'i slad du zhe na/ bcom ldan 'das gter chen po de rnam par mi rtog pa'i slad du'o/ /de bzhin du
72a₇ bcom ldan 'das kyis bskal pa bye ba khrag khrig brgya stong phrag grangs ma mchis par chos rin po che'i gter chen po bla na ma mchis pa 'di bsgrubs so/ /bsgrubs nas kyang byang chub kyi snying por mngon par rdzogs par sangs rgyas so/ /mngon par rdzogs par sangs rgyas nas kyang grong

_{iiif viewer powered by OpenSeadragon}

71b - 72b

Texts on this page