rKTs

e-texts navigator

Volume

Page

70b₁ brjod pa dang / gzhan gyi yon tan log par brjod pa dang / nga'o snyam pa'i nga rgyal 'bar ba dang / khro ba brtan pa'o/ /gzhan yang bzhi ste/ le lo dang / snyom las dang / bka' blo mi bde ba dang / 'thun par mi 'dzin pa'o/ /gzhan yang bzhi ste/ ma dul ba dang / ma
70b₂ zhi ba dang / ma sbas pa dang / ma btul ba'o/ /gzhan yang bzhi ste/ thos pa nyung ngus grong dang grong khyer dang grong rdal du 'jug pa dang / tshul khrims kyi phung po la mi gnas par rnyed pa dang bkur sti dang tshigs su bcad pa 'dod pa dang / dbang po rnams kyi sgom bsrungs par bud
70b₃ med la lta ba dang / mnyam par ma bzhag pa'i sems kyis sems can gyi dbang po la 'jug pa'o/ /gzhan yang bzhi ste/ bsdu ba'i dngos po la mi brtson pa dang / sems can yongs su smin par bya ba la g.yel ba dang / chos spong gi las kun tu mi srung ba dang / chos smra ba'i gang
70b₄ zag rnams la gnod pa byed pa'o/ /gzhan yang bzhi ste/ gti mug gis 'dod pa che ba dang / zhe sdang gis sdig pa 'dod pa dang / 'dod chags kyis chog mi shes pa dang / chags pas ngoms mi myong ba'o/ /gzhan yang bzhi ste/ ma dad pas mi 'dun pa dang / sdig pa'i
70b₅ grogs po dang sten pas sdig pa la mi smod pa dang / le los dge ba'i chos yongs su 'grib pa dang / bag med pas dge ba'i rtsa ba byas pa rab tu 'jig pa'o/ /gzhan yang bzhi ste/ nang du so sor mi rtog pas ngo tsha med pa dang / sangs rgyas la mi rtog pas khrel med pa dang / mtshams
70b₆ med pa dang mtshungs pas byas pa mi gzo ba dang / re bas byas na mi 'jigs pa'o/ /gzhan yang bzhi ste/ gnod sems dang / khong khro ba dang / 'khon du 'dzin pa dang / rnam par 'tshe ba'o/ /gzhan yang bzhi ste/ 'phags pa rnams la slu ba dang / 'phags pa ma yin
70b₇ pa rnams la rjes su mi srung ba dang / sbyin pa po rnams la brnyas pa dang / sbyin gnas rnams la khyad du gsod pa'o/ /gzhan yang bzhi ste/ lus kyi las yongs su ma dag pa dang / ngag gi las kun tu mi srung ba dang / sems kyi las zhum pa dang / theg pa chen po la sgyid lug

_{iiif viewer powered by OpenSeadragon}

70a - 71a

Texts on this page