| e-texts navigator |
| བོད་ཡིག |
6b1 blos rnam par rol pa mngon par 'phags pa'i mngon par mkhyen pa'i sangs rgyas kyi zhing 'jig rten gyi khams yon tan rin po che dri ma dang bral ba dpag tu med pa bkod pas brgyan pa nas/ byang chub sems dpa' sems dpa' chen po blo gros rgya mtsho byang chub sems dpa'
6b2 sems dpa' chen po bgrang ba las 'das pa dag dang lhan cig tu nga la blta ba dang / phyag bya ba dang / bsnyen bkur bya ba dang / 'dus pa chen po'i le'u'i chos kyi rnam grangs 'di las gtam gyi rgyud 'ga' zhig yongs su dri ba'i phyir 'jig rten gyi khams mi mjed 'dir
6b3 'ong ba yin te/ gang stong gsum gyi stong chen po'i 'jig rten gyi khams 'di chus yongs su gang bar kun tu snang ba 'di lta bu 'di ni de'i rnam par sprul pa'i byin gyis rlabs so/ /gsol pa/ bcom ldan 'das da dung yang 'dus pa chen po'i le'u'i chos kyi rnam grangs
6b4 'chang ngam/ bcom ldan 'das kyis bka' stsal pa/ tshangs pa de bzhin gshegs pa'i spobs pa la ni/ rgyun chad pa kyang med de/ gang gi tshe khyod kyis de bzhin gshegs pa cang mi gsung bar gyur pa mthong ba de'i tshe na yang / da ni phyogs bcu'i 'jig rten
6b5 gyi khams nas 'dus pa'i byang chub sems dpa' rnams la chos rnam par nges pa'i gtam yang dag par rab tu ston te/ tshangs pa sangs rgyas kyi yul ni de ltar bsam gyis mi khyab bo/ /gsol pa/ bcom ldan 'das gang 'di lta bu 'di rnam par sprul pa'i byang
6b6 chub sems dpa' sems dpa' chen po blo gros rgya mtsho zhes bgyi ba de gang lags/ bcom ldan 'das kyis bka' stsal pa/ tshangs pa khyod kyis pad ma dpag tshad bcu'i khyon tsam yod pa de'i dkyil na pad ma'i snying po la rin po che bkod pa'i seng ge'i khri 'phang du
6b7 shing ta la bdun tsam pa srog chags bye ba phrag mang pos phyag byas pa mthong ngam/ gsol pa/ bcom ldan 'das mthong lags so/ /bcom ldan 'das kyis bka' stsal pa/ tshangs pa khyod kyis seng ge'i khri de la byang chub sems dpa' lus gser gyi kha dog tu
iiif viewer powered by OpenSeadragon
Texts on this page
D152 - 'phags pa blo gros rgya mtshos zhus pa zhes bya ba'i theg pa chen po'i mdo