rKTs

e-texts navigator

Volume

Page

69a₁ sems mngon du byed pa'i las so/ /gzhan yang gsum ste/ sems mnyam pa nyid pas sems can mnyam pa nyid dang / tha dad pa med pa nyid pas chos mnyam pa nyid dang / ye shes mnyam pa nyid pas sangs rgyas mnyam pa nyid do/ /gzhan
69a₂ yang gsum ste/ ye shes kyi dus gsum mnyam pa nyid dang / blos rnam par thar pa gsum mnyam pa nyid dang / yongs su shes pas khams gsum mnyam pa nyid do/ /gzhan yang gsum ste/ 'du byed thams cad la mi rtag pa dang sdug bsngal bar so sor rtog pa dang /
69a₃ chos thams cad la bdag med par so sor rtog pa dang / mya ngan las 'das pa la zhi bar rtog pa'o/ /gzhan yang gsum ste/ nyams 'og tu chud par byed pas dam bcas pa snying po nyid dang / nan tan byed pas thos pa snying po nyid dang / shes rab kyis ting nge 'dzin snying po nyid
69a₄ do/ /gzhan yang gsum ste/ ltung ba mi 'chab pa dang / sdig pa rnam par 'byed pa dang / phyin chad sdom par byed pa'o/ /gzhan yang gsum ste/ 'gyod pa dang bral ba dang / kun nas ldang ba dang bral ba dang / the tshom dang bral ba'o/ /gzhan yang gsum ste/ dgon
69a₅ pa la gnas pa dang / rab tu dben pa la dga' ba dang / dge ba'i chos 'dod pa'o/ /gzhan yang gsum ste/ zab mo'i chos la bzod pa dang / chos sna tshogs ston pa dang / spobs pa kun tu 'gro ba'o/ /gzhan yang gsum ste/ thos pa rnam par nges pa'i gzungs dang /
69a₆ sangs rgyas kyis byin gyis brlabs pa'i spobs pa dang / lhas yongs su bzung ba'i chos kyi gtam mo/ /gzhan yang gsum ste/ sa lta bu'i sems dang po skyed pa dang / sbyor ba thams cad nyams 'og tu chud par byed pa'i dpyod pa dang 'brel pa dang / 'du shes thams
69a₇ cad log pa'i phyir mi ldog pa'i sa'o/ /gzhan yang gsum ste/ sgra'i rjes su 'gro ba'i bzod pa yongs su rdzogs par byed pa dang / bsams pa las byung ba'i bzod pa 'phro ba med pa dang / mi skye ba'i chos la bzod pa thob pa'o/ /blo gros rgya mtsho gzhan yang theg pa chen po

_{iiif viewer powered by OpenSeadragon}

68b - 69b

Texts on this page