rKTs

e-texts navigator

Volume

Page

68a₁ gnas pa dang / sbyor ba rgyun mi 'chad par gnas pa'o/ /gzhan yang gsum ste/ ting nge 'dzin yongs su dag par bya ba'i phyir lhag pa'i tshul khrims la slob pa dang / shes rab yongs su rdzogs par bya ba'i phyir lhag pa'i sems la slob pa dang / rnam par grol
68a₂ ba yongs su rdzogs par bya ba'i phyir lhag pa'i shes rab la slob pa'o/ /gzhan yang gsum ste/ bde ba'i tshor ba la rjes su chags pa spong ba dang / sdug bsngal gyi tshor ba la khong khro ba spong ba dang / sdug bsngal yang med bde ba yang med pa'i tshor ba la ma rig pa spong ba'o/ /gzhan
68a₃ yang gsum ste/ mngon par 'du bya ba med pas rgyu las ldog pa dang / yongs su mi rtog pas nyon mongs pa las ldog pa dang / smon pa med pas khams gsum las ldog pa'o/ /gzhan yang gsum ste/ stong pa nyid kyang 'dris par byed la lta ba dang yang bral ba dang / mtshan
68a₄ ma med pa yang 'dris par byed la rnam par rtog pa yang nye bar zhi ba dang / smon pa med pa yang 'dris par byed la khams gsum yang 'gog pa'o/ /gzhan yang gsum ste/ mig stong pa nyid dang / gzugs dben pa nyid dang / mig gi rnam par shes pa gnas pa med pa nyid do/ /gzhan
68a₅ yang gsum ste/ rna ba stong pa nyid dang / sgra dben pa nyid dang / rna ba'i rnam par shes pa gnas pa med pa'o/ /gzhan yang gsum ste/ sna stong pa nyid dang / dri dben pa nyid dang / sna'i rnam par shes pa gnas pa med pa'o/ /gzhan yang gsum ste/ lce stong pa nyid dang /
68a₆ ro dben pa nyid dang / lce'i rnam par shes pa gnas pa med pa'o/ /gzhan yang gsum ste/ lus stong pa nyid dang / reg bya dben pa nyid dang / lus kyi rnam par shes pa gnas pa med pa'o/ /gzhan yang gsum ste/ yid stong pa nyid dang / chos dben pa nyid dang / yid kyi
68a₇ rnam par shes pa gnas pa med pa'o/ /gzhan yang gsum ste/ tshul khrims sbed pa dang / ting nge 'dzin kun tu srung ba dang / shes rab kyis rab tu rnam par 'byed pa shes pa'o/ /gzhan yang gsum ste/ dran pas dam pa'i chos kun tu 'dzin pa dang / blo gros kyis tshul bzhin

_{iiif viewer powered by OpenSeadragon}

67b - 68b

Texts on this page