rKTs

e-texts navigator

Volume

Page

67b₁ de bzhin nyid pas de kho na'o/ /gzhan yang gsum ste/ bdag ci 'dra ba zhes bdag shes pa dang / gtam ci 'dra ba zhig bya zhes sems can shes pa dang / dus su gnas pas dus shes pa'o/ /gzhan yang gsum ste/ phung po rnams la chos kyi phung po dang mnyam pa nyid dang /
67b₂ khams rnams la chos kyi dbyings dang mnyam pa nyid dang / skye mched rnams la grong stong pa ltar so sor rtog pa'o/ /gzhan yang gsum ste/ rgyu yis 'bras bu chud mi gzon pa dang / rkyen rnams kyis 'phel ba la mkhas pa dang / tshogs nas phan tshun yang dag par 'du ba'o/ /gzhan
67b₃ yang gsum ste/ sangs rgyas dang mi 'gal ba dang / chos mi spong ba dang / dge 'dun la nga rgyal med cing bla mar gus par bsnyen bkur byed pa'o/ /gzhan yang gsum ste/ 'dod chags rab tu zhi ba dang / zhe sdang dang bral ba dang / gti mug yang dag par bcom pa'o/ /
67b₄ gzhan yang gsum ste/ kun rdzob kyi bden pa la 'jug pa dang / mtshan nyid kyi bden pa ston pa dang / don dam pa'i bden pa la gnas pa'o/ /gzhan yang gsum ste/ sems can rnams la brnyas pa med pa dang / sbyin gnas rnams la rab tu 'dud pa dang / nyon mongs pa
67b₅ rnams su mi ltung ba'o/ /gzhan yang gsum ste/ 'dod pa'i khams kyis mi gos pa dang / gzugs kyi khams dang ma 'dres pa dang / gzugs med pa'i khams la de ma chags pa'o/ /gzhan yang gsum ste/ ma rnyed pa dang ma grags pa dang smad pa dang sdug bsngal rnams kyis
67b₆ sro shi ba med pa dang / rnyed pa dang grags pa dang bsngags pa dang bde ba rnams kyis khengs pa med pa dang / 'jig rten gyi chos brgyad dang ma 'dres pas ri ltar mi g.yo ba'o/ /gzhan yang gsum ste/ dbang po rnams shin tu sbas pa dang / mdud pa rnams las shin tu rnam par grol ba
67b₇ dang / sems shin tu dul ba'o/ /gzhan yang gsum ste/ sa'i yon tan la gnas pa shes pa dang / sa'i nyes pa zlog pa shes pa dang / sa nas sar 'phar ba shes pa'o/ /gzhan yang gsum ste/ bsam pa gya nom pa la gnas pa dang / lhag pa'i bsam pa'i khyad par la

_{iiif viewer powered by OpenSeadragon}

67a - 68a

Texts on this page