rKTs

e-texts navigator

Volume

Page

67a₁ pa med pa'i byams pa'o/ /gzhan yang gsum ste/ rang gis byed pa'i snying rje dang / gzhan byed du 'jug pa'i snying rje dang / mtha' gnyis bsal ba'i snying rje chen po'o/ /gzhan yang gsum ste/ bdag la phan pa'i phyir shes pa yongs su tshol ba dang /
67a₂ gzhan la phan pa'i phyir shes pa yongs su tshol ba dang / gnyi ga'i don yongs su rdzogs par bya ba'i phyir brtson 'grus rtsom pa'o/ /gzhan yang gsum ste/ 'das pa la zad par shes pa dang / ma 'ongs pa la ma phyin par shes pa dang / da ltar byung ba la chos gnas pa med par
67a₃ shes pa'o/ /gzhan yang gsum ste/ nges pa'i sems can rnams la rab tu grol ba'i byams pa dang / ma nges pa'i sems can rnams la rab tu grol ba'i byams pa dang / log pa nyid du nges pa'i sems can rnams la bskyab pa chen po'i byams pa'o/ /gzhan yang gsum
67a₄ ste/ 'grogs na bde bas lus las su rung ba dang / pha rol kun tu srung bas ngag snyan pa dang / drang bas sems las su rung ba'o/ /gzhan yang gsum ste/ mi sdug pa la yang gnas la 'dod chags la spyod pa'i sems can dang 'grogs pa la yang mi smod pa dang /
67a₅ byams pa la yang gnas la zhe sdang la spyod pa'i sems can dang 'grogs pa la yang mi smod pa dang / rten cing 'brel par 'byung ba la yang rnam par lta la gti mug la spyod pa'i sems can dang 'grogs pa la yang mi smod pa'o/ /gzhan yang gsum ste/ legs par spyad pa'i phyir
67a₆ phan pa dang / chog shes pa'i phyir ran pa dang / phyis 'gyod pa med pa'i phyir bzod pa'o/ /gzhan yang gsum ste/ thos pa yongs su 'dzin pa dang / tshig dang yi ge rnams 'dzin pa dang / sgra la sngon gyi mtha' dang phyi ma'i mtha' yongs su chad par shes pa'o/ /gzhan
67a₇ yang gsum ste/ nor bdun yang dag par 'du bas dbul ba med pa dang / chos kyi sbyin pa rnam par 'grel pas gtong ba chen po dang / zang zing kun tu 'ged pas longs spyod che ba'o/ /gzhan yang gsum ste/ don dam par bden pas bden pa dang / mi slu bas yang dag pa dang /

_{iiif viewer powered by OpenSeadragon}

66b - 67b

Texts on this page