rKTs

e-texts navigator

Volume

Page

5a₁ bya ba med pa'i rdzu 'phrul dang / sems gcig gis thob pa'i dran pas mig phye ba tsam gyis 'jig rten gyi khams yon tan rin po che'i dri ma dang bral ba dpag tu med pa bkod pas brgyan pa de nas mi snang bar gyur nas/ 'jig rten gyi khams mi mjed 'dir phyin
5a₂ te/ rin po che bkod pa'i 'khor gyi khyams kyi gzhi las thal nas shing ta la bdun tsam du mngon par 'phags te pad ma'i snying po la 'dug par kun tu snang ngo / /de las gzhan pa'i pad ma'i snying po rnams la yang byang chub sems dpa' sems dpa' chen po de dag 'khod par kun
5a₃ tu snang ngo / /'og gi phyogs kyi sangs rgyas kyi zhing tshad med grangs med pa dag nas kyang byang chub sems dpa' sems dpa' chen po shin tu grangs med dpag tu med pa dag chos nyan pa'i phyir byang chub sems dpa' sems dpa' chen po blo gros rgya mtsho'i phyi bzhin du 'brang bar gyur to/ /
5a₄ de nas phyogs bcu'i 'jig rten gyi khams nas 'dus pa'i byang chub sems dpa' sems dpa' chen po pad ma la 'khod pa dag gis rin po che bkod pa'i 'khor gyi khyams shin tu rgyas pas mdzes te/ lham me/ lhan ne/ lhang nge'o/ /de na thams cad dang ldan pa'i 'khor de ngo
5a₅ mtshar du gyur te/ dga' ba dang / dang ba dang / rab tu dga' ba thob nas thal mo sbyar te/ byang chub sems dpa' de dag la phyag 'tshal to/ /de nas byang chub sems dpa' sems dpa' chen po blo gros rgya mtshos 'jig rten gyi khams yon tan rin po che dri ma dang bral ba dpag
5a₆ tu med pa bkod pas brgyan pa na yod pa'i me tog mya ngan med cing yid du 'ong ba mthong na dga' ba zhes bya ba 'dab ma bye ba khrag khrig brgya stong du ma dang ldan pa/ tshad rgyang grags kyi khyon tsam yod pa de bzhin gshegs pa la mchod par 'os pa/ byang chub sems dpa'i
5a₇ bsam pas rnam par dag pa sngon gyi dge ba'i rtsa bas yongs su sbyangs pa/ rnam par bkra ba/ mig tu sdug pa/ 'khor thams cad tshim par byed pa kun nas 'od dang ldan pa kun nas shin tu yid du 'ong ba'i dri dang ldan pa'i me tog de 'dra ba dag mchod pa'i las kyi phyir

_{iiif viewer powered by OpenSeadragon}

4b - 5b

Texts on this page