rKTs

e-texts navigator

Volume

Page

53b₁ byang chub sems dpa' sems dpa' chen po chos smra bas 'di skad ces gsol to/ /bcom ldan 'das ji ltar na byang chub sems dpa' dam pa'i chos yongs su 'dzin pa lags/ byang chub sems dpas gang yongs su gzung bar bgyi ba'i chos de gang lags/ de skad ces gsol
53b₂ pa dang / bcom ldan 'das ye shes chen po'i stobs bsgrags pa'i de bzhin gshegs pa des byang chub sems dpa' chos smra ba la 'di skad ces bka' stsal to/ /rigs kyi bu kye ma'o sems 'di ni yul la rab tu 'phyar ba ste/ gang de zlog pa dang / yongs su srung ba
53b₃ dang / rtse gcig tu 'gyur ba dang / dul ba dang / zhi ba dang / nye bar zhi ba dang 'dul ba 'di ni dam pa'i chos yongs su 'dzin pa zhes bya'o/ /de ci'i phyir zhe na/ mig dang / gzugs rnams dang / mig gi rnam par shes pa zhes bya ba chos ma yin pa 'di ni chos ma yin
53b₄ pa'o/ /rna ba dang / sgra rnams dang / rna ba'i rnam par shes pa dang / sna dang / dri rnams dang / sna'i rnam par shes pa dang / lce dang / ro rnams dang / lce'i rnam par shes pa dang / lus dang / reg bya rnams dang / lus kyi rnam par shes pa dang / yid dang / chos rnams dang /
53b₅ yid kyi rnam par shes pa zhes bya ba chos ma yin pa 'di ni chos ma yin pa'o/ /gang mig dang gzugs stong par rig nas mig dang gzugs rnams la rnam par mi rtog cing mig gi rnam par shes pa la gnas pa med pa 'di ni dam pa'i chos yongs su 'dzin pa'o/ /gang yang dag pa'i ye
53b₆ shes kyis de gzhan dag la go bar byed pa la mkhas pa 'di ni dam pa'i chos yongs su 'dzin pa'o/ /de bzhin du rna ba dang / sgra dang sna dang / dri dang lce dang / ro dang lus dang / reg bya dang yid dang / chos rnam stong par rig nas yid dang chos rnams la rnam par mi rtog cing yin
53b₇ kyi rnam par shes pa la gnas pa med pa 'di ni dam pa'i chos yongs su 'dzin pa'o/ /de yang yang dag pa'i ye shes kyi gzhan dag la go bar byed pa la mkhas pa 'di ni dam pa'i chos yongs su 'dzin pa'o/ /rigs kyi bu gzhan yang chos gang gis chos gang byung ba'i chos de la yongs su

_{iiif viewer powered by OpenSeadragon}

53a - 54a

Texts on this page