rKTs

e-texts navigator

Volume

Page

53a₁ na dbugs 'byin pa'am rngub pa gcig kyang rung ste 'di yang dam pa'i chos yongs su 'dzin pa'o/ /rigs kyi bu gzhan yang gang chos thams cad yongs su mi 'dzin cing mi len pa 'di yang dam pa'i chos yongs su 'dzin pa zhes bya'o/ /yon tan gyi rgyal po
53a₂ snang ba khyod kyis rnam grangs 'dis kyang 'di ltar rig par bya'o/ /rigs kyi bu sngon byung ba 'das pa'i dus na bskal pa grangs med pa'i yang ches grangs med par gyur pa de'i tshe de'i dus na/ dga' ba 'phags pa'i bskal pa la 'jig rten gyi khams 'od rnam par dag par bcom ldan
53a₃ 'das ye shes chen po'i stobs bsgrags pa zhes bya ba'i de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams
53a₄ kyi ston pa/ sangs rgyas bcom ldan 'das 'jig rten du byung ngo / /rigs kyi bu 'jig rten gyi khams 'od rnam par dag pa de ni bai dUr+ya las grub pa/ shin tu rnam par dag pa/ phyogs bcu snang bas rgyas par 'gengs pa/ byang chub sems dpa' sems dpa' chen po
53a₅ mngon par shes pa chen po'i stobs kyis rnam par rtsen pa/ chos zab mo la nges par byung ba nyi tshe'i gnas su gyur pa'o/ /de'i tshe sems can de dag gi longs spyod ni lha'i bu rab 'phrul gyi dang 'dra bar gyur cing lha'i bu'i gzugs nyid kyis bcom ldan 'das de la chos nyan to/ /de na
53a₆ khyim pa dang rab tu byung ba tha dad du bya ba med do/ /bcom ldan 'das ye shes chen po'i stobs bsgrags pa'i de bzhin gshegs pa des rigs kyi bu dag khyed kyis lus srog 'dor zhing dam pa'i chos yongs su gzung ba la mngon par brtson par bya'o/ /zhes dam pa'i chos yongs su
53a₇ gzung ba'i gtam nyid rgya cher yang dag par rab tu ston to/ /de'i tshe de'i dus na byang chub sems dpa' sems dpa' chen po chos smra ba zhes bya ba 'khor de nyid du 'dus par gyur te 'dug go /de nas bcom ldan 'das ye shes chen po'i stobs bsgrags pa'i de bzhin gshegs pa de la

_{iiif viewer powered by OpenSeadragon}

52b - 53b

Texts on this page