rKTs

e-texts navigator

Volume

Page

52b₁ yi ge'i nges pa'i tshig de dag gang len pa dang 'dzin pa dang ston pa dang / rab tu shes par byed pa dang / 'jog pa dang rnam par 'grel pa dang / rnam par 'byed pa dang gsal bar byed pa dang / yang dag par rab tu ston par byed pa 'di ni dam pa'i chos yongs su 'dzin pa zhes
52b₂ bya'o/ /rigs kyi bu gzhan yang chos smra ba gang dag mdo sde 'di lta bu 'di dag 'dzin pa dang / ston pa dang / sgrub pa'i chos smra ba de dag la gang bsnyen pa dang / bsten pa dang / bsnyen bkur byed pa dang / ldang ba dang / rim gro byed pa dang / gus par byed pa dang /
52b₃ zhe sa byed pa dang / bsti stang byed pa dang / kun tu srung ba dang / sbed pa dang / yongs su 'dzin pa dang / gos dang / zas dang / mal cha dang / na ba'i gsos sman dang / yo byad sbyin pa dang / legs so zhes bya ba sbyin pa dang / rje bo ltar kun tu srung ba dang / dge
52b₄ ba kun tu srung ba dang / bsngags pa brjod pa dang / mi snyan pa 'chab pa 'di yang dam pa'i chos yongs su 'dzin pa'o/ /rigs kyi bu gzhan yang gang stong pa nyid la mos pa dang / mtshan ma med pa la yid ches pa dang / smon pa med pa la som nyi med pa dang / mngon
52b₅ par 'du bya ba med pa la de kho na nyid du nges par sems pa 'di yang dam pa'i chos yongs su 'dzin pa'o/ /rigs kyi bu gzhan yang rtsod pa med pa lhur len pa dang / chos ma yin pas rtsod pa rnams chos dang 'thun pas tshar gcod pa 'di yang dam pa'i chos yongs su 'dzin
52b₆ pa'o/ /rigs kyi bu gzhan yang zhe sdang med pa'i rgyud dang / sems can bsdu ba dang rab tu thar bar bya ba'i blo dang / zang zing med pa'i sems kyis gzhan dag la chos sbyin pa 'di yang dam pa'i chos yongs su 'dzin pa'o/ /rigs kyi bu gzhan yang lus dang srog 'dor zhing mdo sde
52b₇ 'di lta bu 'di dag kun tu srung ba dang / sbed pa dang / sgrub par dgon pa la gnas pa 'di yang dam pa'i chos yongs su 'dzin pa'o/ /rigs kyi bu gzhan yang gang chos mnyan pa'i rgyu las byung ba'am/ chos bstan pa'i rgyu las byung bas tha na gom pa gcig 'dor ram/ tha

_{iiif viewer powered by OpenSeadragon}

52a - 53a

Texts on this page